Page 37 - MIN ARENDS

E exposicion ta ensera e trabounan haci durante e dos Gobiernonan lidera pa Mike Eman
y esnan cu nan ta bay wordo realisa den e siguiente gobernacion.

“Nos kier a invita publico en general, principalmente nos hobennan, pa bishita Expo-
Futuro y duna nan comentario y pensamento di tur e proyectonan.”

E exposicion ta wordo inaugura oficialmente dia 1 di augustus awor. Ademas di
ilustracion fotografico, e ta contene tambe material audio-visual, manera esnan di Aruba
Orguyoso.

Pues henter e vision di e lider Mike Eman p’e cambio cu e kier realisa pa Aruba.

“Tur esey bo por mira unabes bo drenta e sala di exposicion aki,” Lara Kuiperi a bisa.

Tur loke ta aparece den e sala di exposicion tambe ta acesibel via e
website: www.boaruba.aw y esaki ta un forma pa comunidad tambe por participa den
desaroyo di e pais, incluso dunando su pensamento di loke e kier mira, Prome Minister
Mike Eman a bisa.
El a splica cu e idea ta pa tin dos sala fiho di exposicion unda publico por yega. E prome
sala ta esun den Columbusstraat y e di dos probablemente lo ta den Nicolaas Store na San
Nicolas.

Eman a bisa cu e salanan di exposicion ta un forma pa pueblo en general mira e desaroyo
cu Aruba a pasa aden y loke cu tin pa wordo realisa ainda.

P’esnan cu no por yega n’e salanan di exposicion, a lansa e website www.boaruba.aw cu
tin tur proyecto tanto den video como material cu hobennan por uza pa traha werkstuknan
pa scol.
Pero tambe hopi informacion di tur loke a wordo haci riba energia renobabel, e tiponan
cu tin na Aruba y kico ta e plannan pa futuro.

Minister Benny Sevinger di su banda a splica cu riba e website, un persona cu ta busca
informacion ta simplemente scirbi e nomber y tur detaye cu tin di haber cu e proyecto ta
aparece riba pantaya. E website ta contene e Masterplan total di loke ta renobacion di
Pais Aruba.