Page 52 - MIN.TTC MAY 22

Lo bin moratorio di 10 aña pa e diferente permisonan
di transporte publico

Publication: Thursday, 21 May 2015. Categoria: General
Minister Otmar Oduber
ORANJESTAD (AAN): Minister Otmar Oduber a reuni siman pasa cu Director di Departamento Transporte Publico
(DTP), Gerald Keteldijk durante cual a discuti riba diferente puntonan di importancia pa loke ta trata transporte
publico.
Un di e decisionnan cu a worde tuma ta cu lo bin un moratorio den transporte publico, valido pa 10 aña. Lo limita e
cantidad maximo di permisonan na: (*) 450 Taxivergunningen, (*) 151 Busvergunningen, (*)
358 Tourvergunningen, y (*) 350 Ongeregeldvergunningen.
Igualmente den e reunion a palabra cu lo continua cu e controlnan cu a bin ta tuma lugar na aeropuerto y waf pa
loke ta trata taxi pirata.
E controlnan aki inclusive lo worde intensifica y lo sigui conta cu e sosten di Cuerpo Policial. Banda di esaki lo bay bin
mas control riba e buschauffeurnan di Noord.
Meta principal di e maneho aki ta pa sigui mehora e calidad di servicio ofreci na tanto local como bishitante y tambe
pa mehora y intensifica e control pa loke ta cumplimento cu ley y liñanan di maneho unda seguridad di e usuario ta
hunga un rol primordial.

http://www.diario.aw/2015/05/lo-bin-moratorio-di-10-ana-pa-e-diferente-permisonan-di-transporte-
publico/

Aruba lo ta anfitrion un biaha mas di un festival di cine

Thursday, 21 May 2015 18:40
Comparti

Despues di lunanan di negociacion, Aruba Tourism Authority a logra cera un acuerdo cu un organisacion
nobo cu lo organisa e “Aruba International Film Festival”.

E festival di cine lo tuma luga den e salanan di Caribbean Cinemas na Palm Beach Plaza for di 7 pa 11 di
october. E organisacion nobo ta consisti di personahenan local conoci den e mundo di cine y turismo
kende ta Aaron Hosé, Rebecca Roos y tambe Frits Israel.

Manera ta conoci, A.T.A. for di aña 2010 te cu 2012 tabata e patrocinado principal di e festival di cine cu
a trece diferente celebridadnan Aruba pa forma parti di e evento aki. Funda dor di organisadornan
Jonathan Vieira y Giuseppe Cioccarelli, A.I.F.F. a bin cu ideanan inovativo y a posiciona Aruba como un
“trend setter” na momento di organisa eventonan pa promove e isla como destinacion turistico. E
cobertura obteni internacionalmente durante e festival aki na dado momento a surpasa 8 miyon dollar di
e asina yama “PR Value” cual sigur ta un montante significante y tabata mas halto cu e meta cu a wordo
poni inicialmente durante tur e añanan di e festival.