Page 6 - MIN ARTHUR DOWERS

For di basta tempo su nomber tabata

menciona – Selma Arends, Secretaria di

Minister drs. Paul Croes deteni ayera

mainta

 Local

- 29/08/2017

Ayera mainta, Landsrecherche a detene Selma Arends, Secretaria di Minister Paul Croes, relaciona cu e caso e investigacion Ibis. For di basta tempo
nomber di Selma Arends tabata menciona como un sospechoso, y ayera mainta, Landsrecherche a bay over na su detencion.

Ta manera Procurado General, mr. Alexander van Dam mes a duna di conoce, cu nan ta bay p’e piscanan chiquito prome, pa despues bay p’e grandinan y
esey por ser mira awor.

Minister di Labor, drs. Paul Croes ta ser sospecha di pidi y/of tuma placa di soborno den caso di exoneracion pa duna onthefffing pa permiso di trabao.

Durante e investigacion a lanta e sospecho cu Minister drs. Paul Croes a haci su mes culpabel na labamento di placa, abuso di su funcion y emplea hende
na trabao ilegalmente, manera PG a duna di conoce.

Dia 21 di augustus ultimo a detene Minister Paul Croes y su chauffeur Roque Aparicio a bay entrega su mes.

Segun informacion haya for di Ministerio Publico, te cu awor a tende un total di 30 testigo y 21 sospechoso. A detene un total di 10 di e sospechonan ey pa
interogacion. Di e 8 nan aki, 5 ta encarcela ainda y awor cu detencion di e Secretaria, nan a bira 6.