Page 21 - KPA_Neat

Parlamentario Clarisca Velasquez (AVP): E Gobierno
Aki Ta E Mihor Cu Pueblo Por A Haya

 Politica
- 28/05/2017

No tin duda! E Gobierno aki ta e mihor Gobierno cu pueblo por a haya. E
Gobierno aki a inverti den su pueblo durante 8 aña largo.
E Gobierno aki a cuminsa na inverti den e ser humano ora el a asumi
responsabilidad.
A yuda nos hende cu e poder di compra cu e Gobierno anterior a laga nos
pueblo strangula.
A hisa e onderstand, a introduci schoolkindertoeslag, a bin cu reparatie toeslag
pa tur esnan cu ta cobra entre f1.500-2500, a hisa e pensioen di AOV, a duna tur
ambtenaar indexering, najaarspremie, voorjaarspremie y vakantieuitkering, a bin
cu pensioen general pa tur hende cu ta traha, a bin cu pensioen pa tur esnan cu
ta traha cu nos grandinan na SABA. A drecha posicion huridico di Polis,
brandweer, trahadornan di KIA y Imigracion. Ta trahando riba esnan di
maestronan. A trek recht mayoria ambtenaar cu mester a haya bevordering cu e
Gobierno anterior no a honra nan. A sanea tur e fondonan di pensioen APFA,
AOV y tambe e fondo di AZV, Parlamentario Velasquez ta splica.
Despues e Gobierno aki a sigi cu su inversion den pueblo drechando
infrastructura tur caminda. A drecha mas cu 80 scol rond Aruba. A drecha hopi
barionan y camindanan cu tabata mester atencion y tambe iluminacion. A bin cu
4 proyecto grandi cu tur otro Gobierno a papia riba dj’e pero ningun tabatin
cohon pa realisa nan. E Gobierno aki a y ta haciendo tur realidad.
Nos hospital cu ta convirtiendo den un hospitaal moderno y cu mas capacidad di
Spoedeisende hulp y ICU cu tur loke nos mester pa cumpli cu normanan
international, un containerhaven cu e Gobierno aki a haci realidad di muda esaki
pa Barcadera y convirtie den un joya di containerhaven cu tur servicio, un Green
Corridor cu ta un vierbaansweg cu despues di 30 aña bla bla bla pa tur Gobierno
e Gobierno aki ta hacie realidad cu infrastructura bunita pa pariba di brug