Page 29 - KPA_Neat

Taxista tabata kier pa turista paga
pa sienta muha

29 May, 2017
0

Central a manda polis na Divi Phoenix caminda cu segun melding, un taxista
tabata pidi ayudo di polis,m pa intermedia despues cu un persona lo a laga su
sienta muha. Eynan a papia cu chauffeur di taxi 385, kende a conta cu un
turista a wordo busca na un hotel. Prome cu el a subi den e taxi, e chauffeur a
puntre si e tabata tin paña muha, cual el a bisa cu no. Segun e taxista el a bise
tambe cu si e haci e sienta muha, e mester paga 50 dollar segun reglanan di
taxi. Ora cu a yega na Phoenix, e dama a baha abao, di manera cu e taxista a
bay controla su sienta y a sinti cu esaki tabata muha. E muhe, segun e, ya a
cana bay. Pero e taxista a stop’e den gang di e lobby. Ora cu e taxista a haci’e
responsabel di e sienta muha, e turista a bira defensivo y no kier a paga, di
manera cu e taxista a pidi asistencia di polis. Polis a papia cu e dama yama MC,
kende a conta cu e no tabata tin paña muha, pero cu su tas (sin cu e tabata
sa), tabata muha y door di esaki, a muha e sienta. El a sigui bisa cu e no lo bay
paga 50 dollar pasobra e stoel no tabata papa papa muha y cu tabata trata di
un tiki awa. Segun e dama, lo tabata trata di juice of koffie of algo otro, e ora e
lo paga e suma. Polis a mira tambe cu ta un pida chikito di e stoel tabata muha.
A laga sa bon cla na e taxista cu no por obliga e dama paga 50 dollar.
Aparentemente hopi chauffeur di taxi ta pensa cu polis por obliga hende pa
paga a base di “reglanan di taxi”, cu nan ta core rond cun’e.