Page 18 - AWEMAINTA

18
CEDE Aruba a organisa Dobbel celebracion di CEDE Aruba:
Premionan pa Boluntario di Aña 2017
y Lansamento di ORG.aw nobo
AWEMainta Dialuna 15 Januari 2018
Pagina 18-19
DIAHUEBS anochi na Cas di Cultura a
tuma lugar dos iniciativa sumamente impor-
tante pa bienestar di nos comunidad.
Den presencia di varios dignatario incluy-
endo Gobernador Alfonso Boekhoudt y
Minister di Enseñansa, Sciencia y Desaroyo
Sostenibel, drs.Rudy Lampe, CEDE Aruba
hunto cu mas di 70 organisacion comuni-
tario a tene e prome “Volunteer of the Year
Award Ceremony” y a lansa e version nobo
di e Guia Comunitario ‘ORG.aw’.
CEDE Aruba ta pone luz riba e gran contri-
bucion di boluntarismo na Aruba. Durante
e apertura di e evento directiva di CEDE
Aruba y Minister di Enseñansa, Sciencia y
Desaroyo Sostenibel drs. Rudy Lampe, a en-
fatisa cu e contribucion di boluntarionan na
Aruba ta inpagabel. Sin e aporte di un canti-
dad grandi di boluntario cu ta sali for di un
cantidad grandi di organisacion den varios
sector, Aruba lo no por funciona.
E programa di e anochi a cuminsa cu e lansa-
mento oficial di dos parti nobo den e plata-
forma di Guia Comunitario ‘ORG.aw’, esta
e parti di ‘Volunteer Jobs’ y ‘Community
Events’. Gobernador Alfonso Boekhoudt
hunto cu directiva di CEDE Aruba a inicia e
lansamento di e bunita proyecto aki.
E Guia Comunitario ‘ORG.aw’ di Aruba ta
un iniciativa di CEDE Aruba y ta consisti
di mas cu 240 organisacion, fundacion, aso-
ciacion y iniciativa cu un meta comunitario
na Aruba. Cu e parti nobo di ‘ORG.aw’ tur
miembro di e plataforma por publica nan
trabounan boluntario y nan eventonan riba
e Guia Comunitario ‘ORG.aw.’
[Continuacion na proximo pagina]