Page 16 - KPA 5 APRIL 2016

Polis mester a transporta criatura cu kemadura IMSAN

Publication: Monday, 4 April 2016. Categoria: Policial

No tabata tin ambulans

ORANJESTAD (AAN): Ta cos nan cu por pasa pero no mag di sosede.
Sikiera un personal riba standby si acaso. Manera ta conoci den frega di wowo cos por pasa inespera.
Diasabra despues di merdia pa alrededor di 14:21.54 central ta ricibi yamada cu presencia di patruya ta wordo
solicita cu urgencia na Sero Alejandro na unda un mucha a kima cu awa cayente.

E momento ey no tabata tin ambulans disponible segun version pa cual polis a reacciona mesora pa duna
asistencia.

Na yegada parce a resulta cu mucha di tres aña cu a pasa man pa un kopi contene awa cayente riba cashi y esaki
a cay riba curpa di e criatura.

E oma di e criatura a declara di locual a sosode. Polis no a vacila y mesora a percura pa transporta tanto e oma y
su nieto na Imsan pa e herida di e criatura wordo atendi.

E mucha di tres aña a sufri kemadura di “Segundo Grado”. E kemadura a wordo trata y despues pa medio di
ambulans a transporta e criatura cu urgencia dr. Horacio Oduber Hospital pa e ricibi mas tratamento. Personal di
Slacht Offer Hulp a wordo poni na altura pa sostene e famia.

http://www.diario.aw/2016/04/polis-mester-a-transporta-criatura-cu-kemadura-imsan/