Page 6 - AAA_Neat

8 AWEMainta Dialuna, 9 Maart 2015

Ronella Tjin Asjoe-Croes di Aruba Tourism Authority

Southwest Airlines y
Aruba marcando
historia hunto atrobe

Prome buelo internacional
pa Hobby Airport ta procedente di Aruba!

TABATA dia 1 di juli 2014, cu Aruba tabatin e honor di ricibi e

prome buelo internacional di Southwest Airlines for di Merca pa
Aruba. Tabata Southwest su prome buelo internacional y Aruba
tabata parti di e grupo selecta di destinacionnan den Caribe unda
cu Southwest a cuminsa cu e etapa nobo aki di e compania.
“Awe, 8 luna despues, nos ta honra atrobe, pasobra William P.
Hobby Airport na Houston lo ricibi su prome buelo internacio-
nal, anto ta cu Southwest Airlines y for di Aruba”, asina Ronella
Tjin Asjoe-Croes, CEO di Aruba Tourism Authority a bisa den su
discurso diasabra merdia na Aeropuerto, den presencia di ehecu-
tivonan di Aruba Airport Authority, Aruba Tourism Authority y
Southwest Airlines.
Diasabra a celebra e prome buelo nonstop di Southwest for di
Aruba pa Houston.

Atrobe por bisa cu Aruba y Southwest Airlines ta marcando historia
hunto. P’esaki e ehecutivo di Aruba Tourism Authority a gradici
Southwest Airlines p’e “partnership” y p’e confiansa cu nan a de-
posita den nos mercado. Despues di a dal un prome paso 8 luna
pasa, ya ta tuma un otro paso asina ki, cual sigur ta refleha e exito
di e “partnership” aki.
Di parti di ATA, nan lo sigui haci tur esfuerso pa mantene e posicion
di nos isla como un di e destinacionnan preferi di Mericanonan pa
pasa dianan di vakantie.
Parti di e esfuersonan aki ta inclui un bishita na medionan di
comunicacion na Houston e siman aki, pa por sigui promove e
buelo y pa sera e mercado aki aun mas conoci cu nos isla como un
destinacion ideal p’e habitantenan di e region ey.

>>>