Page 24 - HOSPITAAL
P. 24
\
Basá riba e konseho di un komishon konsistiendo di representantenan di e ministerionan
di Salú, Medioambiente i Naturalesa i di Finansa, hospital Sint Elisabeth (Sehos), i
SONA na aprel 2017 a duna enkargo na e ofisina Performation pa desaroyá un modelo
nobo di eksplotashon pa e hospital nobo. Den esaki a sinkronisá un ke otro tambe ku
Banko di Seguro Sosial (SVB). Kordiná pa SONA, na mei último e ofisina aki a bishitá
Kòrsou den kuadro di su trabounan. Durante e bishita aki a papia ku tur stakeholder
relevante i a start e investigashon di datonan na Sehos i SVB. E modelo di eksplotashon
ku awor tin disponibel ta fasilitá pa kalkulá diferente senario den desaroyo di e
organisashon i e aktividatnan núkleo di HNO pa loke ta gastunan i presupuesto. Tantu
gobièrnu, komo SVB i e hospital nobo por apliká e modelo pa mantené e gastunan di
eksplotashon di e kuido di hospital dentro di e kuadronan finansiero presupuestá,
kaminda e punto di salida ta un kuido di e kalidat mas haltu posibel i mas aksesibel na e
gastunan mas abou posibel.
Aparte diferente minister a invitá pa e presentashon di djaweps tambe e ministerionan di
GMN i di Finansa, ademas SVB, Sehos, Ofisina di Telekomunikashon, Pòst i Utilidatnan
(BTPU) i Fundashon Overheidsaccountantsbureau (SOAB). Despues ku durante mainta a
presentá i diskutí e modelo den un grupo amplio, a usa e seshon di tra’i mèrdia pa huntu
ku esnan ku den futuro lo hasi uso di dje pa bai mas den
