Page 8 - HOSPITAAL

Contacto cu hospital

Dr. Rajnherc a splica cu Imsan y Hospital ta papiando cu otro ki forma di cooperacion

entre Dr. Horacio Oduber Hospital y Imsan pa futuro lo por wordo aregla y pone riba

papel.

E contacto ta bon. Un di e formanan cu ta masha evidente caba ta por ehempel e

departamentonan di Dialyse y specialistanan di Riñon. Ta papiando di cinco dokter na
Aruba. Nan ta forma un vakgroep y nan ta trahando hopi bon riba tur dos localidad hunto

y nan ta brindando e servicio di miho calidad cu por pa henter e pueblo di Aruba.

Reaccion riba masterplan

Por ta hopi orguyoso cu ta haya un apoyo di tur hende. Tur hende ta hopi entusiasma cu

den futuro nan ta bay tin radioterapia na Aruba mes y cu no ta bay tin mester di manda e

pashentnan afo. Tur hende ta hopi contento cu nan ta bay habri e salanan di operacion na

Imsan, pa tur cos chikito y cu por wordo haci den un dagbehandeling, tin cu bay te na

Playa pa busca bo ayudo. Esey ta bay ta un bon ampliacion di e servicio cu ta brindando
den Salubridad Publico.Genera entradaPrimariamente, segun dr. Rajnherc, e servicio aki

ta pa yuda e pashentnan cu ta manda tur e placa den exterior caba na otro pais, e placa

eynan keda na Aruba. Si haci esey caba, ya tin un operacion budgetneutraal na Aruba y

cu no mester tira placa mas pafo di Aruba. Ta lag’e na Aruba y e ta wordo inverti akinan.

Si duna y brinda e servicio di un calidad asina halto manera cu ta buscando hunto cu

Baptist, tin un bon posibilidad pa atrae turismo medico di exterior, pashentnan di afo y

eseynan obviamente ta bay contribui den e caha di salubridad publico y posiblemente no

reduci e gastonan ainda, loke tin, pero si por contribui pa e gastonan no subi mucho lihe

mas manera nan ta haciendo awor aki.