Page 13 - ARUBA BANK

APELACION NA PUBLICO

Ora cu tin un deadline di pago di impuesto di vehiculo di motor of cualkier otro
impuesto, acudi tempran na departamento di impuesto, haci uzo di e oportunidad brinda
via pagonan online y paga naturalmente na tempo pa evita cu despues inecesariamente ta
causa frustracion cerca bo como cliente of na e departamento di Impuesto.

CON SATISFECHO

Si mira e cifranan, tin 78 mil plachi den circulacion. Esey ta un combinacion di tur cos.
Plachi A, TX, O, B, etc. y si mira e cifranan cu tin te cu awor, no ta mucho contento cu e
comportacion di pago. Si mira plachinan A, tin un 58% di cliente cu no a paga nada. Tur
hende sa cu e prome dos kwartaalnan mester wordo paga pa dia 31 di Januari. E di tres y
di cuater kwartaal ta bin awor aki dia 30 di Juni y si mira esaki, e ta toch cifranan cu ta un
tiki alarmante, cu ta duna di conoce cu e clientenan no a tuma e deadline aki na serio, of
no a cumpli ainda cu e pago di vehiculo di motor.

E siguiente pasonan lo ta, pa studia e cifranan aki bon. Naturalmente e ley ta duna
espacio pa saca un cobransa cu boet, si tin un cliente cu no a paga, of lo por haci un
accion caminda cu ta traha conhuntamente cu KPA, pa asina controla riba caya esnan cu
no tin nan impuesto di vehiculo di motor paga.

Segun Gomez-Pieters, ora cu e mes core riba careteranan di Aruba, ta mira un cantidad di
sticker poni na su luga. Tin hende ta pone e sticker di aña pasa y e aña anterior. No ta
necesario pa tin e sticker di e añanan anterior riba e windshield. E sticker di e aña aki cu
ta vigente, color fuscia pa henter aña y shinishi pa mita aña, lo mester wordo poni riba e
windshield, caminda cu e ta visibel, pa esnan cu lo haci e trabao di control.