Page 42 - Djabierne 4 mei 2018.pdf

42 Djabièrnè 4 Mei 2018
Despues ku el a drùip 8 bes
Hòmber ta pidi hues pa hasi

eksepshon pe pa haña un reibeweis

WILLEMSTAD.- Durante SDKK. pa motibu ku but lo no bai
tratamentu di kasonan Hues a splika ku esaki ta yuda.
di infrakshon di tráfiko,
korte a trata un kaso basta
pekuliar ku a hala atenshon.
Ta trata di un hóben
adulto ku pa di tantísimo
bes a haña but pa kore outo
sin reibeweis.
E akusado ayera a
presentá den sala di korte i
a splika hues ku no ta ke e
no ke pero por e no por.
Segun e akusado, el a
pasa eksámen di kore outo
8 bia i tur e 8 bia nan ei el a
drùip. El a splika ku e no ta
disponé di niun reibeweis,
pa motibu ku e no ta kòrda
kiko e mester skibi òf hasi
na momento ku e bai pasa
eksámen. Segun e akusado
e tin esaki ku tur otro lès ku
el a yega di hasi.
El a bisa ku na Ulanda
nan a konstatá ku e tin un
problema den su mente, di
kual esaki ta pone ku e no ta
keda kòrda nada. Mas aleu
e akusado a duna di konos’é
ku e no tin niun diploma den
su bida, pa motibu ku e no
por a kaba niun skol ku el a
bai. El a bisa ku el a haña
un trabou ku ta eksigié pa
e kore outo.
Riba esaki hues a splika
e akusado ku e no por kore
outo sin reibeweis i komo tal
e tin ku buska otro trabou.
E akusado a splika ku
esaki por bira hopi difísil
pe, pa motibu ku el a buska
trabou mas ku un aña na
Kòrsou, despues di a bin fo’i
Ulanda pero no a haña. E
úniko ku el a logra ta esun
ku e tin aworakí.
Mirando esaki, e akusado
a roga hues pa hasi un
eksepshon kuné i asina
tòg e por logra haña un
reibeweis. Tambe e ta keda
akusá di a kore outo sin
faha di seguridat.
Hues a splika e akusado
ku no por tene kuenta ku
su situashon pa motibu
ku reibeweis ta di sumo
importansia.
Segun hues esaki ta algu
ku ta pará den lei.
Mirando esaki fiskal a
bisa ku e lo tene kuenta ku
e akusado su situashon i
tambe e kantidat di butnan
ku ainda e tin habrí.
Fiskal a demand’é na
300 florin di but di kual
150 kondishonal i kore
sin reibeweis na 150 florin
tambe. Hues a atvertí e
akusado ku si un bia mas e
wòrdu gará ta kore outo sin
reibeweis e lo bai 4 siman