Page 66 - ATA

Ofreciendo Buelo Pa Y For Di Republica Dominicana:

Aeropuerto Di Aruba Den Un Forma Festive A Yama

Bon-Bini Na Air Century

 Featured

 Local
- 04/07/2018

Aruba Airport Authority N.V. (AAA) den un forma festivo a yama bon-bini n’e aerolinea
Dominicano “Air Century” na Aruba dia 3 di juli 2018. Air Century ta un aerolinea
Dominicano funda na 1992 dor di e CEO y Presidente actual, e piloto y capitan sr. Omar
Chahin Lama; cu base di operacion na Aeropuerto Internacional Dr. Joaquín Balaguer
(JBQ), n’e ciudad di Santo Domingo, Republica Dominicana. Na comienso Air Century
tabata ofrece servicio di excursion y di propaganda aereo. Despues cu e flota di avion a
crece y diversifica, e aerolinea a cuminsa opera buelonan charter cu servicionan di charter
corporativo y transfer di crew, cu un market share di 90% den e region Caribe.
Subsecuentemente e aerolinea a desaroya rutanan domestico regular pa rutanan manera di
Santo Domingo pa Punta Cana, Barahona, Santiago y Puerto Plata. Air Century ta ofrece
su clientenan transporte aereo di calidad halto, sigurando buelonan safe cu avionnan cu ta
pas cu e demanda di e mercado. E buelonan pa Aruba lo wordo haci cu avionnan tipo
Saab 340. E schedule di buelo ta consisti di buelonan pa Aruba riba diamars y
diadomingo, mientras cu buelonan pa Republica Dominicana lo ta disponibel riba
diamars, diarazon y diadomingo.
AAA su Chief Commercial Officer, sra. Barbara Brown tabata contento pa yama e
aerolinea Dominicano bon-bini: “Cu e buelo nobo ofreci pa Air Century, nos por ofrece