Page 73 - ATA

Edgar Herrera, kende ta un piloto Venezolano y propietario di un Cessna 182 YV 1098,

ta comenta cu e terminal priva ta cobra e aterisahenan demasiado caro. E prijs a subi

astronomicamente hopi y segun e ta pensa, cu ta afecta e turismo di Aruba.

El a comenta cu e tin 2 yiu cu ta practica y ta hunga tennis y a wordo invita pe torneo na

Aruba Racque Club, den e Copa TIHTA. Sin ningun aporte of patrocinio di ningun

hende, pa su propio medionan el a trece su 2 yiunan na e torneo y a keda 8 dia. El a sali di

Aruba, cu destino Aeropuerto Josefa Camejo na Punto Fijo, ta haya un sorpresa cu e

operador W Aviation na Aruba, a cobr’e 687.13 dollar, cual e ta sinti cu ta un

exageracion pa 1 piloto y 3 pasahero. E mester a bay bek Venezuela debi na

condicionnan meteorologico dialuna 2 di Juli y na momento cu el a yega na e terminal

general, e compania W Aviation kier a cobre un biaha mas e mesun suma, alegando cu

esaki tabata un otro vuelo.

E piloto a splica nan cu no tabata asina. E no por a baha na Venezuela debi na

condicionnan meteorologico. A papia cu un señor mario y un señora Lorena, kendenan a

bis’e cu nan ta cumpli cu ordo di e otro terminal comercial y pa papia cu operacionnan,

cual el a haci tambe. Asina mes nan a cobre 397.29 dollar, cual e ta parce ta inhusto. E tin

28 aña ta bula pa Aruba. Antes, el a haci tur cos, pasa na imigracion y e tabata paga 28
dollar. Despues, esaki a pasa na bira 210 dollar y despues 410 dollar. E tin hopi colega

piloto Venezolano y di otro paisnan. El a reitera cu esaki ta bayendo malo pa Aruba. Ta

turismo y deporte por fomenta turismo di e manera aki. E piloto a expresa cu e no por a

keda keto y pa e rason aki el a haci e comentarionan aki.