Page 15 - MIN.ON 15 OCT,2015

22 AWEMainta Diahuebs, 15 Oktober 2015

Shamira y “Deal with It” presenta
na alumnonan di Colegio Arubano

E alumnonan di VWO 5 di Colegio
Arubano tabatin e honor y primicia
di por a mira e documentario
“Deal with It” na Colegio mes y den
presencia di nos propio Colegiano
Shamira Raphaëla.

Shamira Raphaëla, ex alumno di Colegio
Arubano, a traha un documentario cu ta un
retrato hopi personal di su dos parientenan cu
(den e idioma papiamento) ta wordo expone
completamente. Shamira a presenta awe e
documentario «Deal with It» n›e alumnonan di
VWO 5 di Colegio Arubano.

E pelicula ta haci mas cu hib›e espectador den e
mundo di e dos recidivistanan. E documentario,
na un forma bunita y retorci, ta mustra e bida
diario di un productor ambicioso y exitoso den
varios programa popular di televicion, pero
tambe un jiu y ruman preocupa, cariñoso y
divertido.

E mensahe di Shamira p›e alumnonan
di Colegio

Na final di e pelicula, e alumnonan di VWO
5 por a combersa abiertamente cu Shamira y
a hasi varios pregunta tocante su documen-
tario y su carera. Shamira ta bisa: “Ora cu mi
cana cu mi tata riba caya, mi ta gara e mirada
prejuicioso di otro hende. Hende ta haya liher
hopi lastima pa mi cu mi tin un tata asina.
Pero no ta tur cos ta blanco y preto.
Den e pelicula mi ta junga cu e moral di e es-
pectador. Mi ta trata di mustra e otro banda
humano di Pempy y Andy. Y e circulo vicioso cu
un hende por drenta den dje, paso den cierto
manera mi ruman a bira victima di e bida di
mi tata.
Mi tata ta bisa tocante e pelicula: “Nunca mi
por a ofrece bo algo, pues esaki ta mi regalo pa
bo.” Tocante e escogencia di estudio despues di
Colegio Arubano, Shamira ta confirma bisando:
“ Sea cabes duro. Scoge e estudio cu abo tin
passion pe.”

Colegio Arubano at gradici Shamira pa a com-
parti un parti di su bida cu e alumnonan y tambe
pa tur e bon consehonan cu nan a scucha for
di dje.
Colegio Arubano ta orguyoso di Shamira.