Page 43 - MIN.ON 15 OCT,2015

Ceque College ta un scol motiva y contento cu e cambionan haci dor di Minister di
Enseñansa
Wednesday, 14 October 2015 18:30
Comparti

Juliana Dependance Hato a wordo transforma den un scol cu awe ta conta cu 11 klas y 230 alumno y
despues di basta reto a pasa exitosamente dor di reconstruccion cu a trece cune un balans bek na e scol.
E scol a sigui crece y a haya un director nobo den presencia di Meneer Clay Shipley cu a fungi pa basta
tempo como director adhunto na Juliana School Oranjestad.
Awe e scol cu a haya su propio presupuesto ta conta cu un maneho dinamico y ta independiente.
A sondea un nomber nobo dor di e propio alumnonan y asina a scoge e nomber Ceque College cu den e
lenguahe Cacique ta nifica SHOCO.
“ Mi ta contento cu e grupo di docentenan y alumnonan a tuma nan tempo pa bay back den historia di
Aruba. Asina a hasi di e proyecto algo cu lo perdura pa semper den e alumnonan cu a haya parti di nan
historia, parti di historia di Noord y tambe di varios topiconan hopi interesante y a sa di combina esaki
den loke ta e orguyo di tur e muchanan awendia. Nan propio logo nan propio nomber y hasta nan propio
uniform” Meneer Shipley ta sigui relata.
Tur 230 alumno a haya uniformnan yamativo den colornan briyante cu e logo nobo di e scol.
Minister Michelle Hooyboer - Winklaar a efectua e desvelo di e bunita logo na entrada di e scol y a elogia e
alumnonan pa e bunita decoracion.
“Ceque College, sigur ta un scol motiva, cu alumnonan yena di euforia cu lo sigui logra nan metanan y cu
ta super orguyoso di nan scol y di tur e cambionan cu Minister Michelle Hooyboer Winklaar a logra den
un corto tempo”. E cabesante ta conclui.

http://www.24ora.com/local-mainmenu-5/100739-ceque-college-ta-un-scol-motiva-y-contento-cu-e-
cambionan-haci-dor-di-minister-di-ensenansa