Page 32 - KPA, 13 May 2015

Bululu formal a termina cu 4 detencion,
mama, yiu muher na estado, yiu homber y su
ex-pareha

7 HORA PASA , 12 DI MEI 2015 16:59

SECCION: INCIDENTE

Diamars atardi a drenta informe di cu despues di a ser maltrata tin un dama benta abao riba
caminda den Chuchubistraat na Simeon Antonio, mesora a dirigi tanto polis como ambulans na
e sitio. Na yegada di e patruya a topa cu un dama na estado benta abao riba e caminda y
tabata keha di dolor, e patruya a solicita presencia di ambulans cu mas urgencia. A bin
compronde cu e dama aki a caba di ser maltrata pa mama di su ex y ruman muher di e ex
dilanti e wowonan di su ex. Despues di cu nan a maltrat'e nan a bandona e sitio. Na yegada di
e ambulans nan e momentonan ey a drenta informe di cu esakinan lo ta den cercania, mesora e
2 patruyanan a bay na e sitio indica y a bay over na detene e trio aki. Unabez cu nan a detene e
trio nan a haya sa cu e ex-dama aki tambe lo a agredi nan tambe pa cual motibo a detene e
dama aki tambe.