Page 39 - KPA, 13 May 2015

Ta tur dia di school tanto mainta como merdia e trafico ta pega na e cruzada
Dominicanessenstraat y Caya Ing. Roland H. Lacle, aki e mayornan cu ta bay busca e
muchanan na school no tin un lugar apropia ni pa baha ni pa busca e muchanan cu ta bay
school. Nos a ricibi basta keho di e situacion aki.
http://www.awe24.com/r21761
http://www.awe24.com/r21762

Curpa sin bida haya na Baby Beach a keda
identifica

Relaciona cu e caso riba 23 April 2015, unda parti mainta algun persona cu a bay Dive
y topa cu un curpa sin bida den lama na Baby Beach autoridad a identifica e curpa. Ta
trata di un hende homber di cual ta F.N.F naci na Colombia riba 15 Juni 1974. Informe
cu nos redaccion a ricibi for di Ministerio Publico ta cu no a haci ningun autopsia ya cu
no tin ningun sospecho di algo castigabel of violencia. E persona haya sin bida den awa
na Baby Beach a bin cu e grupo di ilegal den oranan di marduga riba 23 April. Un otro
persona masculino cu tabata den e boto ta esun cu a identifica e persona aki cu e
tambe tabata den e boto cu nan, y tabatin su paspoort cune den su paña bon scondi cu
a pone cu asina autoridad a haya sa ta ken e curpa sin bida ta. Dos di e ilegalnan cu a
keda gara e marduga ey a duna di conoce na autoridad cu e boto cu a trecenan Aruba,
a bahanan den cercania y nan mester a landa bin canto di cual un no a logra.