Page 12 - AWEM 02-Feb-2015

12 AWEMainta Dialuna, 2 Februari 2015

Pa: Jani Thijsen

Ken por a
haya e Kayak
Blauw?

DURANTE e Festival di Botonan di dia 11 di jan-2015 dilanti

di Nanki Club pabou di vliegveld a ser perdi un Kayak Blauw, e
Kayak aki ta nifica masha hopi mes pa su DONO, pasobra e
Kayak aki aunke bieu tin hopi recuerdo bunita pa cu su existencia.
Cu e Kayak aki mi yiu mayo a pagay di Aruba pa Venezuela y
Venezuela pa Aruba 30 miya. El a pagay full rond di Aruba 80
km. El a pagay di Bonaire pa Corsou mas cu 81.6 km, dus
e Kayak aki e ta stime maha hopi mes.
E Kayak tin un recuerdo y balor sentimental hopi grandi. Please
si pa suerte ABO a haya e Kayak aki yama nos na tel. 584-7280 of
593-4566 of 560-6373.
Nos ta bin busk’e mesora. Nos ta gradici Bo inmensamente pa cu
e bon entendimento y lo Bo haya bo recompensa manera debe
ser.
Tuma contacto cu Jani Thijsen, tel. 584-7280.

STA a convoca

Reunion
urgente

pa tur empleado di ANSA N.V.

DIRECTIVA di “Sindicato di Trahador di Aruba” (S.T.A.)

ta invita tur su miembro y no-miembronan emplea na ANSA
N.V. pa un reunion cu caracter di urgencia.
Puntonan di agenda lo ta: Ultimo desaroyonan di ANSA
N.V.; Carta “Medwork”; Probacion pa accion; Palabra Liber
y Clausura.
E reunion aki lo ta diamars 3 februari pa 7 or di anochi na
Centro di Bario Tanki Leendert.
Diego de Cuba, Presidente di STA ta haci un apelacion pa
bini uno bini tur n’e reunion importante aki. Corda yega,
union ta haci forza!!!