Page 8 - Solodipueblo19dec

Pagina 8 Diasabra 19 December 2015

Awe Interes di Pueblo tin como
invitado:

Interes di Pueblo cu un programa special

Prome tanda: Gerick Croes
Di dos tanda: Grupo 7 y parlamentario Glenbert Croes, cu lo ricibi un homenahe
special den Interes di Pueblo

Anochi final di Miss Universo 20 December 2015

E competencia preliminar di Miss Universo a tuma
lugar diarazon anochi 16 di December 2015. Durante
e competencia por a admira e representante di Aruba
den tres ocasion; apertura, desfile den trahe di baño
y desfile den gala. Esaki ta un parti determinante den
e competencia ya cu durante e competencia aki e
top 15 ta wordo escogi. E anochi final lo tuma lugar
diadomigo awor dia 20 di December na Las Vegas,
8’or di anochi (ora di Aruba) via Fox TV.

E aña aki e organizacion a dicidi di duna e publico
e oportunidad pa huzga e candidatanan como
hurado. Durante henter anochi lo tin e oportunidad
pa score cada candidata cu cay den top. Tin mas
informacion y detaye riba www.missuniverse.com/
vote. E organizacion lo tene e publico na haltura via
nan account oficial di Twitter esta ‘Miss Universe’.

Desde Las Vegas Alysha kier a laga pueblo di Aruba
sa cu e ta hopi agradecido cu e apoyo cu e ta ricibiendo
via medio social y medio di comunicacion. E ta yena
cu energia positivo y entusiasmo pa loke ta trata e
ultimo dianan di e competencia.

Por sigui tur paso di Miss Aruba via pagina di Facebook
‘Alysha Boekhoudt - Miss Aruba Universe 2015’ y via
Instagram: ‘missarubauniverse’.