Page 10 - AM210621
P. 10
10 AWEMainta Dialuna, 21 Juni 2021
Benny Sevinger
ta sigui sera
HUEZ-COMISARIO diasabra mainta a trata e peticion di
Ministerio Publico pa alarga detencion di e sospechoso Oslin Ben-
ny Sevinger. Huez-Comisario a duna ordo pa su detencion.
E peticion di Benny Sevinger pa suspende e detencion a wordo re-
chasa dor di Huez-Comisario.
Esey kier men cu e sospechoso lo sigui deteni. E beperkingnan rela-
ciona cu e sospechoso a wordo lanta anteriormente riba peticion di
Ministerio Publico.
Huez-Comisario ta mr. Jane Jansen, kende a informa abogado di
Benny Sevinger, mr. David Kock y Fiscal di Ministerio Publico cu e
no ta bay di acuerdo cu peticion di Sevinger pa suspende su deten-
cion. Como tal, a honra peticion di Fiscal pa
mantene Benny Sevinger sera pa un maxi-
mo di 60 dia mas. Si n’e momento ey ainda e
caso no ta cla, por bolbe pidi prolongacion di
30 dia mas di encarcelacion, pa yega te dia e
caso presenta dilanti mesa berde.
Den e evaluacion aki, Huez-Comisario mr.
Jane Jansen a tene cuenta cu e informacion
suministra na dje y e circunstancianan ac-
tual den e caso, considerando e seriedad di
e hechonan, cu no tin motibo valido aworaki
pa bay di acuerdo cu e peticion pa suspende
detencion di e sospechoso. E interes di e pro-
cedura penal ta pisa hopi mas cu e interes
personal di e sospechoso.
Segun observacion huridico, e hecho cu
Huez-Comisario a prolonga e detencion no
kiermen precisamente cu Sevinger mester
keda sera pa henter e 60 dianan. Por sosode
cu e siman aki ainda, cu a base di circun-
stancianan nobo, cu Fiscal mes por acudi na
Huez-Comisario a pidi pa awor si suspende
e detencion. Ta algo cu a sosode caba den
caso Avestruz, pero tumando na cuenta e
modus operandi, e chens cu esey lo sosode
ta masha chikito mes.
