Page 26 - AM210621

26 AWEMainta
Asunto di Eleccion
Pa: Armand Hessels
NA 2017 e partido cu e tempo ey a
forma Gobierno a pone presion riba
Conseho Electoral y e servicionan di
sosten pa desvia di e lugar prescribi
pa ley pa entrego di lista di candidato.
Entre otro lo por dificulta cooperacion
di Polis si e Conseho no lo duna su
cooperacion na deseo of exigencia di
Gobierno. Tambe tabata deseo di Gobierno pa determina
for di su Ministerio ken lo bira miembro di e stemburonan,
aunke normalmente sa prepara esaki den deliberacion cu
Conseho Electoral.
E mesun partido aki recientemente -pero awor for di oposi-
cion- a acusa Conseho Electoral di fraude electoral, pasobra
e lo kier a introduci na un momento lat un sistema di scan
‘pa reduci e posibilidad di contagio y pa acelera e proceso di
conteo’. Y awor e ta haci hopi buya atrobe pa motibo di de-
cision di e Gobierno actual riba recomendacion di Conseho
Electoral pa no pone e registro di votador na disposicion
mas di partido politico.
Esaki ta viola articulo 10 inciso 2 di e Ordenansa di Elecci-
on di mas o menos 60 aña pasa. Pero e pregunta ta si esaki
tin mas valides cu e violacion di tratado internacional hopi
mas recien riba tereno di privacidad.
E ultimo(nan)
Den ex-Antia Hulandes e ley concerni pa hopi tempo a
hunga un papel importante. Teoricamente e tabata nece-
sario ‘pa controla si votador tabata aparece den e registro
di votador y pues por a vota legalmente’. Pero den practica
tambe sa uz’e pa busca votador -cu no a bin vota ainda- na
su cas pa bin tira su voto.
Durante e biahe den auto sa pone presion pa su seleccion di
partido. Pero tambe sa pasa cu di antemano sa busca infor-
macion cerca afiliado di partido na Servicio di Impuesto y
banco pa ricibi informacion, importante pa convence vota-
dor, p.e. di e posibel cooperacion di e partido pa soluciona
su eventual debe (di impuesto). Ya caba p’e posibel riesgo
aki e pregunta grandi ta si por sigui mantene entregamen-
to di registro di votador na partido politico.
No ta por nada cu tur pais di Reino -cu excepcion di Aruba
y Corsou- ya caba a elimina e ley aki. Cu introduccion di
tratado tocante privacidad algun aña pasa, esaki ta(bata)
inevitable.
Tur voto ta conta
E aparente miedo di e partido concerni pa perde voto pa
motibo di no por dispone di e registro di votador por ta vali-
do, pero e ta conta mescos pa tur otro partido. Pesey, mihor
e por acudi -hunto cu e otro partidonan- na un campaña
intensivo di concientisacion, den cual ta mustra tur esnan
cu derecho di voto di e importancia di bay vota y haci esey
na un manera corecto. Den esey, e siguiente informacion
por ta util:
Dialuna, 21 Juni 2021
1. E importancia y determinacion di e ‘kiesdeler’/
restzetel. Despues cu a sera stemburo ta conta tur voto
valido(!). Despues ta dividi esaki p’e cantidad di asiento
(21). Esey ta resulta den e ‘kiesdeler’. Imagina cu 63.550
voto ta valido, e ora ey e ‘kiesdeler’ ta 63.550 : 21 = 3026. E
partido cu a ricibi e cantidad di voto valido aki of un mul-
tiple di esaki, tin 1 (of mas) asiento. Un partido cu a logra
12.450 voto valido, consecuentemente ta haya 4 asiento
‘limpi’ (12.450 : 3026 = 4,11). Ademas e partido ta bin na
remarca p’e ‘lucha’ pa un of mas restzetel.
2. E efecto di esnan cu no ta bay vota riba ‘kiesdeler’/
restzetel. Hende cu a fada di e manera cu sa hiba politica
y (pesey) no kier duna nan voto na ningun partido, no ta
aporta na determinacion di e ‘kiesdeler’. E consecuencia ta
sí cu nan no ta contribui na cambio di e panorama politico
como cu nan voto no ta bay pa posibel partido alternativo.
En realidad nan ta aporta asina na mantencion di e siste-
ma politico cu tanto nan ta detesta.
3. Pakico y con ta vota ‘blanco’ y cual ta su efecto?
Ora ta vota ‘blanco’, e votador no ta yena ningun bola. Mes-
cos cu esun cu no ta vota, esaki no ta influencia e ‘kiesdeler’.
Pero aki tambe un ‘voto potential pa cambio’ ta bay perdi.
4. Ki ora ta trata di un voto invalido y cual ta su efec-
to? Un voto ta invalido ora no solamente a yena un bola,
pero tambe a scirbi of pinta riba e ‘stembiljet’ of por ehem-
pel a pasa un cruz dor di tur otro lista di partido. Den e
caso aki tampoco e voto ta conta pa determina e ‘kiesdeler’.
5. E influencia di partido (mucho) chikito riba ‘kies-
deler’. Ora un partido ta haya mucho tiki voto pa un asien-
to, e ta perde e votonan ey. Como tal e no por participa
tampoco n’e ‘lucha’ pa un restzetel. Pero e votonan ta con-
ta sí p’e ‘kiesdeler’. Consecuentemente esaki ta bira mas
halto locual ta haci mas dificil ainda pa partido (mucho)
chikito logra esaki. P’e partidonan mas grandi esaki ta un
bentaha, pasobra asina nan tin mas chens riba un of mas
‘restzetel’.
6. Particion di restzetel. E partido cu ta ricibi mas voto di
locual ta necesario pa un of mas asiento, ta bin na remarke
pa un of mas restzetel, dependiendo di su ‘averahe’. P’e
partido di e ehempel den punto 1, ta dividi e cantidad total
di voto cu e partido a logra, p’e cantidad di asiento ‘limpi’
+ 1. Esaki ta nifica 12.450 : (4 + 1) = 2.490. Si esaki ta mas
halto cu e cifra ‘averahe’, pues calcula di mesun manera, di
e demas partidonan cu tambe ta bin na remarke pa haya
restzetel, e partido aki ta ricibi un restzetel. Si tin mas
restzetel pa parti, e ‘averahe’ di e partido awor ta 12.450 :
(5+1) = 2.075. Esaki ta sigui te ora cu a parti tur restzetel.
Di e manera aki SDBA ta spera di a yuda partido politico
cu suficiente informacion pa yuda informa votador pa nan
vota masal y conciente. Ta di spera cu e mihor partidonan
lo gana!