Page 13 - awm 5jan2022
P. 13
AWEMainta.com DIARAZON 5 JANUARI 2022| 13
Elogio pa Thomas Villanueva
Thomas a bai laga nos den silencio y sin fanfare............
Un homber sin pretenshon cu un forza fisico tremendo y
cu un curazon di oro.
El a cria un famia grandi, el a stima nan y a percura pa
nan bienestar bao di circunstancia nan hopi dificil.
Pero nunca el a kiek ---- Al contrario.... mas reto e ta tin
mas e tabata lanta cara y resolve e problema nan.
El a hacie cu e sodó di su frente y e enorme forza fisico y
determinacion cu e ta tin.
Construyendo tur sorto di construccion pa su clientenan y
amigonan.
Thomas ta tin e habilidad di e antiguo artesanonan
Italiano y Griego cu por a haci milager cu concret y
material di construccion. No tin un squina na Aruba
caminda e no a laga su marca profesional y obra atras.
E tabata yega trabao pone man y traha sin stop te atardi
laat ora trabao a caba pa e dia ey. Nunca un keho ni
un protesta - esey tabata Thomas. Un homber hecho y
derecho den tur sentido di e palabra.
Un persona simpatico y cu un tremendo sentido di humor
- e tin hopi bon amigo cu ta aprecié.
Pa mi gusto Thomas ta un heroe -
Thomas descansa na Paz - hopi hende ta bai haña bo
falta. Y ami por lo menos lo bai celebrá bo bida y purba
no yora mas; paso mi sa bo a bai na un mihor caminda pa
sosega.
Raymond Maduro
