Page 23 - UTILITIES FEB 10,2015
P. 23
fuel oil.
E investigacion aki a wordo pidi pa De Meza na un compania di accounting y ta un analisis di e
decisionnan cu a wordo tuma pa cu e compra di e producto petrolero cu WEB ta uza pa produci awa y
coriente. “Den pasado e forma aki tabatin su frutanan positivo tambe pa Pais Aruba na momento cu prijs
di crudo tabata subi hopi y nos tabatin un prijs di fuel oil fiha cu e aumento no tabata afecta nos asina
hopi, Premier Eman a bisa den un entrevista dialuna mainta. “Na otro banda e ta un riesgo y e riesgo ey
naturalmente ta cu un cierto momento porta algo por sosode cu bo no ta spera cu e prijs di crudo ta baha
y baha dramaticamente, manera a sosode. Y b’a sigura e prijs na un nivel mas halto cu esun reduci,” el a
splica. “Si e riesgonan cu a wordo cori door di tuma e decisionnan aki tabata ta riesgonan den e
normalidad di operacion di un fabrica manera WEB ta locual e investigacion mester demostra. Punto ta
cu den pasado tabatin tipo di hedging asina cu a contribui na stabilisa e prijs, tempo cu e ta subi hopi.
Den e sentido ey nos por bisa cu mester tin comprendimento pa e hecho cu tin bez decisionnan ta wordo
tuma basta cu wordo consulta cu esunnan cu mester wordo consulta pa yega na acuerdonan asina pa
sigura un stabilidad di e prijs di fuel oil,” Eman a expresa. El a bisa cu na e momenotnan aki ta poco
prematuro pa duna un opinion riba si e cantidad di fuel oil cu a wordo gehedged y e largura di e tempo cu
a wordo gehedged – dus cumpra e seguro pa e prijs – tabata dentro di e margennan di locual ta
responsabel pa haci. El a pidi pa duna e beneficio di duda y warda riba e resultadonan di e investigacion.
Gobierno na su debido tempo lo informa nos comunidad di kico e conclusionnan di e investigacion
tabata, e mandatario a añadi. Prome Minister Eman a subraya e importancia pa Pais Aruba sigui cu
inversionnan den energia renobabel. Sigur despues di e experiencia mas recien cu e fluctuacion di e
prijsnan di crudo. “Awe nan (barinan di crudo, red.) ta na 50 dollar, mayan nan ta na 150 dollar. Nos pais
no por sigui depende di e tipo di tarifanan aki cu ta cambia di e manera aki,” Eman a bisa enfaticamente.
El a splica cu Aruba actualmente, cu e parke di mulina di biento na Vader Piet, ora e ta den ful
produccion, ta produci 30 megawatt. Si e parke produci e mesun cantidad aki henter aña, Aruba ta na
30% di capacidad. Prome Minister Eman a comenta cu e compania ta cobra nuebe cen Mericano pa cada
kilowatt/uur y esaki ta menos ainda cu e 50 dollar pa bari di crudo, cual ta mas of menos e prijs riba
mercado mundial actualmente. “Si nos tabatin 100% di energia renobabel awe, nos lo ta un pais cu no ta
depende mas di e tipo di riesgonan aki di prijs di crudo cu ta flota. P’esey nos compromiso pa haci e
transicion pa 100% renobabel mester ta e les di mas grandi cu nos ta saca for di e desaroyo aki,” Prome
Minister Mike Eman a enfatisa. El a splica cu e di dos parke di mulina lo por bin mas lihe posibel; asina
cu e casonan den corte termina lo por cuminsa cu e di dos parke. Tambe, e solar park na aeropuerto, di
cual e prome fase tac la caba, ta contribui grandemente na e meta di gobierno. Prome Minister Eman a
anuncia tambe den e entrevista cu aki dos siman lo tuma luga reunionnan importante na Aruba entre
gobierno, Carbon War Room, WEB, ELMAR, Rocky Mountain Institute y Department of Energy di Merca
pa traha riba e proyecto pa pone panel solar riba daknan di tur scol na Aruba, cual lo contribui cu 10% di
e total di energia necesario pa produci awa y coriente na Aruba. Ademas, tin combersacionnan andando
cu ECO gas pa gobierno y Serlimar tambe por entrega tur sushi di cas na e compania aki pa nan produci
gas cune. Esaki lo contribui na otro 10% di e cantidad di energia necesario. Cu tur e proyectonan aki,
Aruba lo yega prome cu 2016 na reemplasa un total di 50% di e capacidad di energia necesario cu energia
renobabel, semper cu e meta grandi final den mente, esta 100% na 2020. Asina cu logra cantidadnan
grandi asina di energia renobabel, Aruba lo no bay sinti e efectonan di e fluctuacion y cambionan di prijs
di crudo mas, segun Eman. Finalisando el a bisa cu e resultado lo ta cu Aruba lo tin un di e prijsnan mas
barata di coriente di henter mundo.
http://www.24ora.com/politica-mainmenu-18/91622-premier-eman-riba-hedging-
inversionnan-den-energia-renobabel-ta-haci-aruba-menos-dependiente-di-
fluctuacion-di-prijs-di-crudo
http://masnoticia.com/diabierna-awo-lo-conoce-cua-lo-ta-e-contratista-cu-lo-ta-encarga-cu-plan-cu-lo-
drecha-gran-parti-di-oranjestad/
http://masnoticia.com/oslin-boekhoudt-di-web-no-tin-azeta-na-canto-di-costa/
E investigacion aki a wordo pidi pa De Meza na un compania di accounting y ta un analisis di e
decisionnan cu a wordo tuma pa cu e compra di e producto petrolero cu WEB ta uza pa produci awa y
coriente. “Den pasado e forma aki tabatin su frutanan positivo tambe pa Pais Aruba na momento cu prijs
di crudo tabata subi hopi y nos tabatin un prijs di fuel oil fiha cu e aumento no tabata afecta nos asina
hopi, Premier Eman a bisa den un entrevista dialuna mainta. “Na otro banda e ta un riesgo y e riesgo ey
naturalmente ta cu un cierto momento porta algo por sosode cu bo no ta spera cu e prijs di crudo ta baha
y baha dramaticamente, manera a sosode. Y b’a sigura e prijs na un nivel mas halto cu esun reduci,” el a
splica. “Si e riesgonan cu a wordo cori door di tuma e decisionnan aki tabata ta riesgonan den e
normalidad di operacion di un fabrica manera WEB ta locual e investigacion mester demostra. Punto ta
cu den pasado tabatin tipo di hedging asina cu a contribui na stabilisa e prijs, tempo cu e ta subi hopi.
Den e sentido ey nos por bisa cu mester tin comprendimento pa e hecho cu tin bez decisionnan ta wordo
tuma basta cu wordo consulta cu esunnan cu mester wordo consulta pa yega na acuerdonan asina pa
sigura un stabilidad di e prijs di fuel oil,” Eman a expresa. El a bisa cu na e momenotnan aki ta poco
prematuro pa duna un opinion riba si e cantidad di fuel oil cu a wordo gehedged y e largura di e tempo cu
a wordo gehedged – dus cumpra e seguro pa e prijs – tabata dentro di e margennan di locual ta
responsabel pa haci. El a pidi pa duna e beneficio di duda y warda riba e resultadonan di e investigacion.
Gobierno na su debido tempo lo informa nos comunidad di kico e conclusionnan di e investigacion
tabata, e mandatario a añadi. Prome Minister Eman a subraya e importancia pa Pais Aruba sigui cu
inversionnan den energia renobabel. Sigur despues di e experiencia mas recien cu e fluctuacion di e
prijsnan di crudo. “Awe nan (barinan di crudo, red.) ta na 50 dollar, mayan nan ta na 150 dollar. Nos pais
no por sigui depende di e tipo di tarifanan aki cu ta cambia di e manera aki,” Eman a bisa enfaticamente.
El a splica cu Aruba actualmente, cu e parke di mulina di biento na Vader Piet, ora e ta den ful
produccion, ta produci 30 megawatt. Si e parke produci e mesun cantidad aki henter aña, Aruba ta na
30% di capacidad. Prome Minister Eman a comenta cu e compania ta cobra nuebe cen Mericano pa cada
kilowatt/uur y esaki ta menos ainda cu e 50 dollar pa bari di crudo, cual ta mas of menos e prijs riba
mercado mundial actualmente. “Si nos tabatin 100% di energia renobabel awe, nos lo ta un pais cu no ta
depende mas di e tipo di riesgonan aki di prijs di crudo cu ta flota. P’esey nos compromiso pa haci e
transicion pa 100% renobabel mester ta e les di mas grandi cu nos ta saca for di e desaroyo aki,” Prome
Minister Mike Eman a enfatisa. El a splica cu e di dos parke di mulina lo por bin mas lihe posibel; asina
cu e casonan den corte termina lo por cuminsa cu e di dos parke. Tambe, e solar park na aeropuerto, di
cual e prome fase tac la caba, ta contribui grandemente na e meta di gobierno. Prome Minister Eman a
anuncia tambe den e entrevista cu aki dos siman lo tuma luga reunionnan importante na Aruba entre
gobierno, Carbon War Room, WEB, ELMAR, Rocky Mountain Institute y Department of Energy di Merca
pa traha riba e proyecto pa pone panel solar riba daknan di tur scol na Aruba, cual lo contribui cu 10% di
e total di energia necesario pa produci awa y coriente na Aruba. Ademas, tin combersacionnan andando
cu ECO gas pa gobierno y Serlimar tambe por entrega tur sushi di cas na e compania aki pa nan produci
gas cune. Esaki lo contribui na otro 10% di e cantidad di energia necesario. Cu tur e proyectonan aki,
Aruba lo yega prome cu 2016 na reemplasa un total di 50% di e capacidad di energia necesario cu energia
renobabel, semper cu e meta grandi final den mente, esta 100% na 2020. Asina cu logra cantidadnan
grandi asina di energia renobabel, Aruba lo no bay sinti e efectonan di e fluctuacion y cambionan di prijs
di crudo mas, segun Eman. Finalisando el a bisa cu e resultado lo ta cu Aruba lo tin un di e prijsnan mas
barata di coriente di henter mundo.
http://www.24ora.com/politica-mainmenu-18/91622-premier-eman-riba-hedging-
inversionnan-den-energia-renobabel-ta-haci-aruba-menos-dependiente-di-
fluctuacion-di-prijs-di-crudo
http://masnoticia.com/diabierna-awo-lo-conoce-cua-lo-ta-e-contratista-cu-lo-ta-encarga-cu-plan-cu-lo-
drecha-gran-parti-di-oranjestad/
http://masnoticia.com/oslin-boekhoudt-di-web-no-tin-azeta-na-canto-di-costa/
