Page 17 - BNDIA ARUBA

hende Dialuna 26 Juni 2017
A17

Instalacion di miembronan nobo di Parlamento Hubenil

ORANJESTAD - Diabierna anochi a tuma luga e huramento di miembronan nobo di Parlamento Hubenil.

Den presencia di nan mayornan y miembronan di directiva di Parlamento Hubenil, ocho hoben a huramenta como miembronan nobo di e organisacion
aki. Algun di e metanan di e organisacion ta pa desaroya e capacidad y motivacion cerca hobennan pa bira lidernan den comunidad y sirbi nos comunidad
den cualkier forma cu por. Parlamentario Rene Herdé: “Mi tabata tin e honor di por ta presente na e ocasion special aki y pa por topa y combersa cu e
futuro lidernan di nos comunidad, nan mayornan y cu e miembronan di e organisacion. E motivacion cerca cada uno di nan pa sirbi nos comunidad ta
grandi. Bunita tambe ta pa wak e sosten cu nan tur ta haya di nan mayornan. Pabien na nan tur.”