Page 6 - FLPD
P. 6
59 DEPORTE
DIALUNA 18 DI JANUARI 2021
TRES ARUBIANO A FIRMA CU EKIPO PROFESIONAL DI BASEBALL
Diabierna ultimo tabatin e asina yama
‘signing day’ den cual diferente pelo-
teronan rond mundo a haya e oportuni-
dad pa firma un contract profesional
di baseball. Na Aruba tambe tabatin 3
pelotero Arubiano cu a haya e oportuni-
dad pa firma. Ta trata di Jefrem Leon,
Antwone Kelly y Edguard Winterdal.
E pitcher Jefrem Leon a firma cu organ-
isacion di Washington Nationals bou di
guia di scout Arubiano David Leer. Je-
frem Leon semper forma parti di organ-
isacion di Centro di Bario Noord, ca-
minda cu el a haya su formacion den e
mundo di baseball.
E pelotero Antwone Kelly a firma cu or-
ganisacion di Pittsburgh Pirates bou di
guia di e scout Arubiano Eugene Hel-
der. Antwone tambe semper a hunga
cu ekipo di Grasshopper ATCO Con-
crete/Quality Chiropractic caminda cu
el a haya su formacion den e deporte di
baseball for di chikito.
ANTWONE KELLY TA DRENTA PITTSBURGH PIRATES.
E di tres pelotero cu firma ta e catcher
Arubiano Edguard “Bacho” Winterdal
kende a firma cu organisacion di Mil-
waukee Brewers. Edguard semper a for-
ma parti di e organisacion di Stars y CTP
(Caribbean Top Prospects), caminda cu
el a haya su formacion den mundo di
baseball.
Ta bon pa remarca cu den pasado Ant-
wone Kelly y Edguard “Bacho” Winter-
dal ambos a forma parti di seleccion di
Junior League cu a titula Campeon na
2018 den Latinoamericano cu tabatin
sede na Aruba y a representa Aruba den
Junior League di Liga Central Braulio
Wester na World Series Junior Division
2018 na Taylor, Michigan(USA).
Den presencia di mayornan, famia y
amigonan e tres peloteronan a firma nan PITCHER JEFREM LEON TA FIRMA CU WASHINGTON NATIONALS.
contract pa asina sigi cu nan soño cual
ta di yega Grandes Ligas un dia. Exito
na Jefrem, Antwone y Edguard y hopi
exito den futuro.
CATCHER EDGUARD WINTERDAL A FIRMA CU MILWAUKEE BREWERS.
