Page 19 - FLIP ATA

Tita Iglesias : ATA ta un partner principal y a haci un
tremendo trabou caba na Brasil

Thursday, 15 January 2015 20:16
Comparti

Tita Iglesias ta e cara, hefe di mercadeo y vocero di Insel Air na Aruba. Despues cu a caba di corta sinta,
na yegada na Manaus cu prome vuelo di Insel Air, el a splica cu tabata algo hopi great y a spera
precisamente esaki. Tabata un super warm welcome.
Loke a sosode ta netamente loke Insel Air merece sigur. E ruta manera esun di Aruba cu Manaus ta uno
importante pa Caribe y esaki tambe Insel Air merece. Nan a gusta e show y loke a wordo presenta den su
totalidad na e yegada. Manaus ta un lugar hopi exotico segun Tita Iglesias di Insel. Ta un area di Eco
Turismo mas tanto cu e Rio Amazona cu ta algo diferente. Nan lo tin Whole Salernan di Manaus cu lo bin
Aruba pa bishita e diferente travel agencies y vice versa lo hiba di Aruba pa conoce Manaus y haci
promocion y conoce e mercado pa bende e producto na Aruba. E importancia mas grandi segun Tita
Iglesias ta e coneccion mirando cu Insel Air ta sirbi tur e paisnan di Caribe y Europa cu KLM y e turista
cu bin dimes por keda Aruba tambe via e hub cu ta ofrece. Asina por combina e vakantie cu Manaus
tambe den Amazonia. Nan mes como Insel ta haciendo promocion caba pa e mercado di Manaus pero
ATA ta un partner principal pasobra ta practicamente nan curazon. Tita Iglesias ta bisa cu ATA a haci un
tremendo trabou caba na Brasil mes. E representacion di Aruba na Brasil ta uno hopi fuerte y el a
confirma esaki caba durante otro bishitanan cu el a haci na Manaus segun e vocero di Insel na Aruba.
Esaki ta un tremendo forza ora bo ta cuminsa un ruta manera esaki. E producto ta conoci y ora kier papia
di otro islanan mesora ta prefera di keda papia di e destinacion Aruba so. E producto Aruba ta uno conoci
caba pero mas importante hopi gusta cual ta hopi bon. Tita Iglesias a splica tambe cu awor aki te cu Juni
15 nan a introduci un tarifa di 250 dollar rountrip di Aruba cu Manaus inclusive tur impuesto. Ki ora cu
Insel tin un vuelo inaugural of un ruta nobo nan ta bin cu tipo di tarifanan asina. Esaki ta un bon tarifa
pa Insel haya mas forza y e hendenan conoce e destinacion cu nan ta bayendo. Awor caba Insel Air Aruba
ta contemplando pa haci un ekipo mas grandi pa 8 di February y 12 di February pasobra tin hopi
Brasilero cu no kier keda Brasil pa Carnaval. Nan ta busca un destinacion cu beach pa nan bai relax cu e
muchanan y pesey e vuelonan ta yen caba y tin mas demanda. E intencion di nan ta pa pone un avion
mucho mas grandi pa e vuelonan aki pa por cumpli cu e demanda grandi cu a presenta ta loke Tita
Iglesias a bisa finalmente.

http://www.24ora.com/local-mainmenu-5/90658-tita-iglesias--ata-ta-un-partner-principal-y-a-haci-un-
tremendo-trabou-caba-na-brasil