Page 16 - AM201124

16 AWEMainta Diamars, 24 November 2020

Donacion empleadonan Gabinete di Gobernador

na Fundacion Ban Uni Man Pa Cria Nos Muchanan

DIABIERNA 20 di november 2020, Dia Internacional di

Derecho di Mucha, e empleadonan di Gabinete di Gober-
nador di Aruba a haci un donacion na Fundacion Ban Uni

Man Pa Cria Nos Muchanan. E fundacion aki, for di tres
diferente cushina, ta prepara desayuno na scol pa mas di

630 alumno cu no por haya esaki for di cas.

E placa di e donacion originalmente tabata destina pa un
evento p’e empleadonan di Gabinete, cu a cancela e aña aki

pa motibo di corona. Pa tog uza e placa cu a spar na un
manera balioso, a scoge p’e donacion di un solo biaha aki.

E empleadonan di e Gabinete ta haya e fundacion aki im-
portante como cu enseñansa ta un derecho fundamental di

cada mucha, mescos cu cuminda y cos di bebe saludabel. Pa
por siña bon na scol, bon alimentacion ta esencial.

Walter Maduro, kende for di 1986 ta traha na Gabinete di

Gobernador di Aruba, na nomber di tur empleado a haci entre-
ga di e cheque na Rachelle Roos (Secretaria) y John Fun (Pres-

idente) di Fundacion Ban Uni Man Pa Cria Nos Muchanan.

Aruba Bank ta yuda pa sigui cu Festival di Dande

Virtual dianan 27 y 28 di december 2020

A confirma cu Festival di Dande 2020 lo ta den
forma Virtual. Aruba Bank ta compromete su

mes pa yuda mantene nos tradicion di tur fin di

aña bibo y sigi fortifica nos cultura.
E aña aki e organisadornan lo organisa un Dande

Challenge na caminda p’e Festival, cu programa
pa cuminsa comienso di december.

E meta di e Dande Challenge ta pa educa nos co-

munidad un tiki mas tocante di Dande y tambe
motiva tur grupo pa forma parti di e Festival.

E banco pionero di Aruba cu semper ta sostene

nos cultura, ta contento di por a contribui den
un forma special di yuda e organisacion realiza e

produccion di e video p’e Dande Challenge.

Aruba Bank ta invita tur grupo pa participa n’e
Dande Challenge pa asina engradece nos Festi-

val di Dande.