Page 7 - MIN SOC 23JULY 2015

Pagina 10 Diahuebs 23 juli 2015

Contribuyendo na Aruba su hobennan extraordinario

Digicel ta “adopta” 15 hoben cu talento pa Art Rules Aruba

Art Rules Aruba ta “on”
atrobe y Digicel ta hopi
orguyoso di ta parti di e
programa cu ta ofrece un
sin fin di oportunidadnan
pa nos hobennan desaroya
y demostra nan talentonan.
Digicel a adopta 15 hoben
cu hopi talento y ta
sponsor nan participacion
den e programa di 10 dia.
E programa ta consisti di
cinco ora diario di lesnan
intensivo y sesionnan di
guia priva cu educadornan
renombra den diferente
disciplina artistico. Ta un
placer pa Digicel brinda
e oportunidad na e 15
hobennan participa na Art
Rules y ta inspira pa mustra
tur hende kico nan por, nan
talento- y ambicionnan.
E diferente disciplina nan
artistico cu ta wordo ofreci
pa e hobennan explora
ta musica, teatro, DJ,
“creative media”, musica y
presentacion, arte culinario,
baile y skirbimento creativo
(“creative writing”). Na
ceramento di Art Rules
Aruba, e grupo di studiante
lo produci un video cu
ta refleha e slogan “be
extraordinary” cu lo wordo
presenta durante di e
show final riba dia prome
di Augustus. Pa Digicel ta
un placer pa contribui na
talentonan hoben Arubano
y yuda na realiza nan soño
di desaroya y demostra
nan talentonan. Digicel ta
desea e 15 hobennan y tur
participante na Art Rules
Aruba 2015 dos siman hopi
fructifero y divertido.