Page 19 - ARUBA BANK

El a indica cu nan sa cu AVP a pasa un ley na 2016, cu pueblo a reclama un rato.
Gabinete Wever-Croes a drenta y a haya su mes confronta cu un ley caminda cu nan ta
cobra 50% di boet si paga laat.

A bisa cu su persona como parlamentario lo manda e siman aki su preocupacionnan pa
gobierno pasobra Parlamento como representante di pueblo ta pa corigi erornan di AVP.

Tin hopi otro leynan cu AVP a pasa cuarto pa diesdos 31 di December cada aña cu nan

tabata den Parlamento y un di nan ta esaki, a señala.

E ta haya personalmente cu 50% di boet ta “intragabel”. El a pidi e huristanan di nan
fraccion pa ‘speed up’ e tempo pa trece cambio den e ley aki. E no kiermen cu no

mester cumpli cu ley, pero e parti humanitario y su peticion na e gobierno aki ta pa
extende e fecha di pago y duna e dienstnan poco mas tempo pa tambe por traha riba
mas di 80 mil peticion pa number.

Croes a indica cu lo bay haci peticion na Minister di Finanzas y kier pa e parti di boet
wordo cambia pa ley.

Tin algo mas den e ley cu e no ta di acuerdo, a bisa. Ora un persona ‘A’ bende un

persona ‘B’ un auto. Ora ‘B’ bay cu e auto y cue informacion aki bay busca su number
di auto, si ‘A’ tabata tin debe riba e number nan ta cobr’e tambe. “Esey tambe ta
inhusto”, Endy Croes a expresa.

“Ta keda na nos como Parlamentarionan responsabel, como parlamentarionan
representante di pueblo, teniendo e linea cu hende ta central, pa coregi e tipo di leynan
aki cu den mi concepto no ta esun corecto”, e parlamentario a finaliza bisando.

https://www.diario.aw/2020/01/parlamentario-endy-croes-nada-contento-cu-ley-cu-ta-encera-50-di-
boet-ora-di-paga-belasting-laat/