Page 9 - AM200718
P. 9
Diasabra, 18 Juli 2020 AWEMainta 9
Accidente serio na Ayo a laga dos persona herida
DIABIERNA mainta den careda di 11:30 Polis a
wordo informa di un accdente di trafico na Ayo. Esaki
tabata den un di e bognan cu area tin.
Na yegada Polis a constata cu ta trata di un Suzuki
Baleno stationwagen y un Ford pick up.
E Suzuki Baleno station wagon t’esun cu a ricibi e sla
mes. Padilanti tabata completamente destrui.
N’e sitio nos a compronde cu e Suzuki Baleno taba-
ta bayendo zuid y den e bogt e Ford pick up lo tabata
coriendo cu velocidad halto.
Aki ta unda cu chauffeur di e Baleno ta haye confronta
diripiente cu e pick up y no por haci nada mas y ta dal
frontal contra dje.
Den e Suzuki tabatin tres persona, incluyendo un mu-
cha homber chikito cu a dal su cabes. Pero e tabata
mustra ok, asina mes a pidi pa un ambulance extra pa
un control.
Den e Suzuki patras tabatin un señora cu t’esun cu a
ricibi golpi fuerte.
Segun nos a compronde e señora aki un dia prome lo a
caba di haci un operacion.
Paramediconan n’e sitio y cu ayudo di Polis a logra
saca e señora for di e porta di patras. Dado momento
e stretcher a bay di banda unda cu e señora casi a cay.
Danki Dios esaki no a sosode.
Mientrastanto e otro ambulance tabata yegadando n’e
sitio pa controla e criatura.
Polis di Trafico a pidi presencia tambe di BFTO (De-
partamentoTtecnico) pa saca algun potret, debi cu ta
trata di un accidente basta fuerte. Na final ambos am-
bulance a sali cu esnan herida direccion Hospital.
