Page 46 - MIN ON

Den Sala di Conseho di Minister di Cocolishi Premier Mike Eman a ricibi diahuebs

mainta

un bishita di gran importancia.

Ta trata di Minister Asuntonan Interior y Asuntonan di Reino, Ronald Plasterk. E

Minister Hulandes y su delegacion a bin Aruba riba e ultimo bishita oficial como

representante di Gobierno Hulandes. Plasterk y Eman a reuni pa mas di mey ora y

despues, den compania di representantenan di ambos Gobierno, e politico Hulandes a

expresa su satisfaccion y gradicimento pa e intercambio profesional sosteni durante

ultimo aña Plasterk a duna di conoce na su salida for di encuentro cu Prome Minister

Mike Eman y otro miembronnan di su Gabinete, cu e ta despedi lagando un hopi bon

relacion atras.

Su opinion ta cu Aruba como prome pa haya Status Aparte y como tal tabatin prome

oportunidad di desaroya su mes como nacion. Den e aspecto aki Minister Plasterk ta haya

cu Aruba a haci hopi bon te na e punto cu ta sirbi como ehempel pa otro miembronan di

Reino Hulandes cu awo ta cuminsando e mesun caminda. Na final di e encuentro ambos

mandatario a intercambia obsekio y den entrevista Plasterk ta reconoce cu Aruba a

avansa den diferente tereno, como por ehempel, innovacio y sostenibilidad. Pa futuro e
titular di Asuntonan Interior y Asuntonan di Reino ta mira cu mester keda traha e

continuacion di e prograso aki, pero tambe sigui di cerca e desaroyonan pa cu e situacion

na e pais bisiña como e pais mas cerca di Reino Hulandes.