Page 7 - AWM 28OCT,2015
P. 7
AWEMainta Diaranson, 28 Oktober 2015 7
Parlamentario mr. Desiree de Sousa Croes, cu e UN DI e cambionan proponi den nos Codico Civil
cambionan proponi den nos Codico Civil
t’e proteccion mas extenso di e casa sobreviviente, na
Casa sobreviviente lo Hulandes yama “de langstlevende echtgenoot”.
wordo mihor protegi Parlamentario mr. Desiree de Sousa Croes, kende ta
Presidente di Comision di Husticia a dicidi cu un serie
di articulo pa informa pueblo di e cambionan cu tin na
caminda.
Den caso cu e pareha tabatin yiunan, e casa sobreviviente
ta wordo protegi contra posibel exigencianan di e
yiunan.
Yiunan no por exigi e casa sobreviviente sali for di e cas
caminda e cu su casa tabata biba.
Aunke e yiu(nan) lo por tin parti den e cas, nan no por
exigi esaki tanten e casa sobreviviente ta na biba ainda.
Pues, e casa sobreviviente tin e derecho di keda biba
den e cas te ora e muri.
E proteccion aki lo bay conta tambe pa parehanan
no casa, pero cu a biba cu otro mas cu 10 aña den un
relacion duradero.
Di otro banda den e concepto di ley aki t’asina cu den
caso cu e pareha tabatin yiu(nan) di otro matrimonio
of relacion previo, e yiu(nan) aki si lo por exigi e parti
di nan mayor for di e casa sobreviviente.
Riba e punto aki, ainda Parlamento kier claridad di
Minister di Husticia. Te awor e opinion di miembronan
di Comision di Husticia ta cu mester proteha e casa
sobreviviente contra yiu(nan) di su defunto casa tambe
– of hasta specialmente (!)-, den caso cu nan lo kier saca
nan madrastra of padastro for di cas unda el a biba cu
su casa/nan mayor.
Pa proteha e casa sobreviviente, na bida mayornan
lo por stipula den un testament cu e yiu(nan) sea di
ambos mayor of no, por haya nan derecho riba nan
parti hereditario despues di fayecimento di e casa
sobreviviente.
#1 Online
