Page 3 - HOSPITAAL

E servicio na Aruba no ta malo, pero si tin espacio pa mehora y ta trahando
duro ariba dje. Dr. Schwengle a enfatiza cu no mester mira solamente e edificio,
pero SZA ta trahando duro, dunando tur sorto di curso, invirtiendo den su

trahadonan, pa mehora e hospitalidad den hospital. Esey ta e parti mas
importante.

Segun dr. Schwengle, no ta edificio no ta tur cos, ta e trato ta importante, bo

por warda, bo por tin cosnan cu no ta bay bon. Pero si bo ta keda comunica bon
cu e cliente, y ta dunanan cariño di berdad, nan lo compronde. Niun hospital na

mundo ta perfecto, y ta haci como sifuera cu esaki ta e hospital mas malo di
mundo. E lo bira miho so.

E intencion ta cu no solamente e pueblo so lo bay wak, pero full e region di
Caribe lo wak cu esaki ta bay ta e miho hospital den region. E miho manera pa

logra esaki, ta pa traha hunto, y sea positivo. Ora algo ta bon, bis’e tambe. Pero
ora algo no ta bon, duna critica constructivo y lo traha pa mehora. Mester stop

di desgaba cosnan cu no mester wordo desgaba.

E edificio aki e pueblo mester ta hopi orguyoso, e ta un edificio traha dor di
Aruba, pa Aruba. Minister Schwengle a bisa di ta orguyoso di dje. Si nan ta un
tiki laat, ya cu cierto cosnan cu nan no a tene cuenta cun’e, manera e sala di

operacion, na caminda a bin cierto cambionan necesario y na caminda nan a
wordo sorprendi cu normanan di intensive care a cambia. Ta di lamenta cu

cierto hendenan ta crea cosnan fictisio y e ta pidi prensa cu ora cu tin cosnan cu
ta sali, puntra rond. No tene cos di un solo banda. Puntra otro stakeholdernan

tambe. Na momento cu lastra hospital dne cualkier forma, riba palabranan
robes, ariba redo, nos ta bezig ta hurt nos mes, a largo plaso.

Minister dr. Alex Schwengle, a duna pabien na e pueblo cu e edificio nobo. Awo
e retonan ta bay cuminsa pa hospital. Ainda pa dos aña mas, ta tuma un tiki

pasenshi, ya cu mester adapta. E mudamento no ta bay ta facil, ni pa e
trahadonan, sigur no pa e pashentnan. Tin tur sorto di protocol pa segura cu

cada cliente y tambe di e trahadonan di hospital.