Page 9 - HOSPITAAL

Dr. Rivera a nace na 1963 na Mexico den un famia den cual medicina ta central.
Su mama ta pediatra, su ruman ta dokter, su tio ta internista, su primonan ta
genetista y su wela tabata hefe di enfermeria na e hospital mas grandi den e

ciudad mas grandi na mundo, Mexico DF. For di chikito el a wordo inspira pa
medicina, cu cuido y trato di hende como punto cardinal, y asina e mes tambe a

bay studia medicina na Universidad Nacional Autonoma de Mexico, cuminsando
su estudio na 1979 y terminando su specialisacion na 1991 como internista y

cardiologa. Amor ta loke a trece na Aruba na 1996, na unda el a lanta un famia
y a continua su carera como medico. Tabata epoca prome cu AZV a wordo

introduci, y Dr. Rivera den su practica tabata atende exclusivamente
pashentnan cu e asina yama PPK-kaart. Esakinan tabata pashentnan di menos
recurso y cu edad avansa of un handicap, pero den hopi caso tambe tabata

lucha contra adiccion y problemanan social.

Aunke e situacion di seguro pa cuido prome cu introduccion di AZV sigur tabatin
su aspectonan discriminatorio contra esnan mas debil den sociedad, tabatin

hopi mas contacto y cooperacion entre sector di cuido y departamentonan cu ta
atende cu asuntonan social. Sinembargo, unabes cu AZV a wordo introduci na

2001 esaki a cambia drasticamente. Cuido medico pa net esnan mas vulnerabel
y esnan cu lamentablemente a haya nan mes den mal caminda a practicamente
cay afo. Tin un falta di conexion entre AZV y problemanan social den nos

comunidad. Esaki ta bin pa gran parti pasobra e sistema di salubridad publico
no ta wordo guia cu perspectiva local pero segun e sistema Hulandes, cual no a

wordo adapta na nos cultura y problemanan medico cu tipicamente ta toca nos
Arubianonan.

Maneho den cuido hopi biaha ta wordo dicidi pa un comision di hunta di AZV cu

no ta den contacto directo cu experto y dunadonan di cuido riba e veld. Cuido
medico general riba su mes ta hopi caro. Actualmente seguro ta dicidi riba cuido
y no e dokternan, poniendo consideracionnan economico na prome luga enbes

di busca e miho solucion na condicionnan existente. Dr. Rivera ta haya cu net
consulta cu e dunadornan di cuido y un enfoke riba prevencion ta loke lo baha

gastonan y alabes garantisa un cuido di miho calidad pa nos tur. Aworaki ta