Page 15 - AAA, JUNE 18 2015

AWEMainta Diahuebs, 18 Juni 2015 17

Trahando riba
team building

GenAir a organisa un evento
exitoso pa empleadonan

DIASABRA dia 6 di juni, 2015, GenAir Activities

Committee (GAC) cu ta consisti di empleadonan di
General Air Services of Aruba a tene un anochi di
actividad sumamente placentero na Eagle Bowling
caminda a tene un actividad como muestra di aprecio
p’e bon trabou cu e empleadonan ta haciendo tur dia.
E evento a bay sumamente exitoso caminda empleadonan
a forma nan team y mester a uniforma na superheroes
y villains.

Team di diferente departamento manera rampa,
cleaners, customer service agents, accounting y training
department a competi contra otro y demostra nan
abilidad riba e tereno di bowling. Como team ganador
a resulta e Jokernan consisti di empleadonan di rampa.
Na di dos lugar a resulta Superman consisti di
empleadonan dedica na departamento di Delta
Airlines y Terminal Services, y na di tres lugar e team
di The Riddlers consisti di empleadonan dedica na
departamento di United Airlines.

Team mihor uniform a bay pa Batman/Batbears consisti
di empleadonan dedica na departamento di United
Airlines y Charter.
Como miho hungador di e anochi a bay pa Edmundo
Tromp di e team di Joker y como hungador cu a hunga
malo pasa bon a bay pa Louimar Boekhoudt di e team
di Hawkeye.
GAC kier a gradici tur e empleadonan di GenAir cu a
participa n’e actividad di bowling y a haci e anochi aki
uno sumamente ameno y na mes momento invita nan
pa keda pendiente p’e sigiuente actividad den luna di
juli cu lo ta zaalvoetbal.