Page 7 - KPA 2 MARCH 2016

Polis a rondona area di Washington pa un homber
sospechoso pero tabata fotografo di Shoco den mondi

Tuesday, 01 March 2016 20:49
Comparti

Den careda di 6:05 diamars atardi central di Polis a manda patruya di Noord cu urgencia pa un auto
sospechoso para den Washington. Bisiñanan a mira un Toyota Corolla station wagon blanco cu a para
banda di nan cas.
Un homber cu un rugtas preto a cana drenta mondi y despues el a perde of nan a perde for di busta. E
tabata tin carson camuflahe tambe. Mesora polisnan di Noord a drenta mondi y cuminsa busca e
sospechoso aki. Despues di un rato a bin topa cu e homber den mondi scondi. Ora polis a acerke el a bisa
polis cu ta potret di Shoco e ta sacando. Polis a saca e homber for di mondi pa tuma su datonan.
Bisiñanan a a drenta den panico pasobra e homber tabata cana cu un tas preto riba su lomba y a pensa
varios cos malo. Finalmente no tabata tin nada particular cu Polis mester a actua contra e homber.

http://www.24ora.com/policial-mainmenu-8/105885-polis-a-rondona-area-di-washington-pa-un-
homber-sospechoso-pero-tabata-fotografo-di-shoco-den-mondi