Page 44 - Extra

44 Djaweps 18 Febrüari 2016

...Segun Darius sosega na pas
“Lio” Plantijn...

SIERTO
POLITIKONAN NO

KE ASEPTA KU
SITEK NO TA MFK

WILLEMSTAD.- Sitek
despues dje reunion
desepshonante ku e
sindikato a tene kabamentu
di siman pasá ku komishon
fiho di enseñansa, ta sigui
prepará pa nan reunion
general ekstraordinario
di djaweps awor kaminda
lo splika miembresia dje
eksperensha tristu ku nan
a pasa. Ta parse mas i mas
segun Darius “Lio” Plantijn
ku sierto polítikonan, inkluso
polítikonan parlamentario ta
biba ku e idea ku e sindikato
den enseñansa ta mará na
partido i komo tal ta praktiká
politikeria.

Nan no ke aseptá ku Sitek
no ta MFK i no tin nada di
haber ku e partido aki, e
presidente di Sitek a bisa ku
masha énfasis den entrevista
na prensa.

Pa mas ku a purba splika
e posishon di Sitek tòg tin
hende den Pueblo Soberano
ku lamentablemente a hinka
den nan kabes ku Sitek ta
MFK i no ke aseptá di forma
stret i sinsero ku esaki no ta
asina, Lio Plantijn a splika.

El a bai den pasado
relativamente resien pa
splika kon e sindikato
tabatin masha problema ku
Carlos Monk komo minister
temporalmente enkargá ku
e kartera di enseñansa. Ora
no por a bin kla ku sr. Monk
a bati na porta di promé
minister Gerrit Schotte
ku a bin sede di Sitek pa
den un reunion general
ekstraordinario primintí ku
su gobièrnu lo atendé ku e
puntonan di problema ku
Sitek a plantia Lio Plantijn a
sigui splika. Esaki no a hasi
Sitek ningun momento so pro
MFK ni otro partido el a bisa.

Na dos okashon den
pasado Sitek tabata enbolbí
aktivamente den un partido
polítiko i na ámbos okashon
esaki tabata ku aprobashon
unánime di reunion general
Lio Plantijn a indiká
refiriendo na e okashon ku
nan abiertamente a sostené
lista di PAR riba kua Sitek
a postulá señornan Winie
Poulo i defuntu Eduardo
Cova. E otro okashon tabata
dia ku Sitek a sostené PLKP
pero nunka mas e sindikato
no a mete direkta- ni
indirektamente ku polítika
partidista Lio Plantijn a
splika.