Page 68 - MIN.VOS APRIL 17

Medaya di brons pa Aruba su seleccion di landamento ariba
prome dia di CONSANAT

Thursday, 16 April 2015 11:28
Comparti

Aruba su seleccion di landamento actualmente ta na Lima Peru pa participa den e XXV Campeonato
CONSANAT. E Campeonato Sudamericano ta un competencia hopi fuerte y pa nos landadonan semper
ta un experiencia hopi diferente cu e competencianan den Caribe y CentroAmerica.
Ariba e prome dia Aruba a logra pasa pa final den varios evento pero na final di anochi, Daniel Jacobs
tabata e unico di nos ekipo cu por a logra gana un medaya. Den 50 m liber cu record personal
25.27. Daniel a gana e medaya di Brons pa Aruba. Brandon Cheong den 50 m pecho cu record personal di
31.96 a keda na di 5 luga. Mikel Schreuders a presenta den final di 200m Wisselslag den cual e a sali na
di 6 luga cu 2:10.30. Aruba su relevo mixto den categoria 13-14 a cuminsa e anochi pero no por a logra
mehora nan tempo di mainta y a keda na di 8 lugar. Otro landadonan cu a logra yega final awe ta Flory
Kock den 200 m liber (2:14.05), Rebecca Maduro den 50 mariposa (30.20) y Anahi Schreuders den 100
m pecho (1:20.05). Nos atletanan lo competi atrobe mañan, diabierna y diasabra.

http://www.24ora.com/deporte-mainmenu-7/94154-medaya-di-brons-pa-aruba-su-seleccion-di-
landamento-ariba-prome-dia-di-consanat

Competencia di Handbal Escolar a cuminsa pa Sector Noord

Thursday, 16 April 2015 16:29
Comparti