Page 9 - LOTTO SEPT 24,2015

Concepto di ley riba loteria ta na Parlamento pa wordo trata

Publication: Thursday, 24 September 2015. Categoria: General
Parlamentario Chris Dammers

ORANJESTAD (AAN) Vice Presidente di Parlamento, ing Chris Dammers a duna informacion
riba un concepto di ley cu a drenta na Parlamento dia 22 di Mei 2015 cu ta e concepto di ley
‘toezicht kansspelen’.
Sr Dammers a mustra cu ya desde 8 di April di 2009 a drenta un ley similar bou di e nomber di
‘Landsverordening kansspelen’ na Parlamento y desde cu recomendadionnan di FATF cu Sali
bou di recomendacion 28 cu a sali despues cu e ley di kansspelen a wordo entrega, mester a haci
modificacion riba e concepto di ley y esaki a wordo entrega dia 22 di Mei ultimo bou di un
formato completamente nobo y bou di un nomber.
Relaciona cu e ley nobo aki, a trek in tres ley cu ya tabata existi caba cu tabata regula entre otro
casino y lotto entre otro, cu tabata landsverordening hazardspelen, landsverordening loterij y
landsverordening speelautomaten luchthaven cu entre otro a wordo ingetrokken.
“T’asina cu pa añanan tanto casinonan y loterianan, manera lotto pa deporte, tabata wordo regula
pero catocheronan no, esaki tabata wordo tolera a base di un decision di Hoge Raad y awor a bin
c’un ley completamente nobo tumando na consideracion e recomendacion 28 di FATF cu ta bisa
cu organisacionnan cu ta den wega di placa, mester tin un bon maneho en general, mester tin
cierto instrumentonan instala pa sigura cu placa no ta wordo laba den e tipo di negoshinan asina
y placa no ta wordo uza pa actividadnan terorista cu ta recomendacionnan di FATF.
Den e comision financiero nos ta tratando e ley aki den Parlamento y nos a reuni caba cu
Minister concerni y Directie Wetgeving y nan en corto a duna e vision tras di e ley aki y e
motibo di con a bin pa cambia e ley den e concepto cu e lo haya aworaki.
Tambe nos a reuni cu Minister responsabel pa deporte y tambe cu Lotto pa Deporte cu tambe a
trece nan vision y preocupacion pa cu e ley aki y ta informacionnan cu e comision financiero ta