Page 55 - KPA JAN 23,2015

Habitantenan di e casnan di pueblo na Sabana Basora tin miedo di bandona nan cas pa ora cu nan regresa bek haya
nan cas kibra y paden tur gebolter unda antisocial ta comete ladronicia den nan propiedad. Diabierna tabata e caso
cu habitantenan a mira persona desconoci core sali for di un cas despues cu alarma a activa. Di biaha patruya di San
Nicolas a yega y aki a tuma e denuncia for di e habitante unda pa e siman aki tabatin basta kiebro di ladronicia den e
casnan y e habitantenan a comenta cu nan ta cansa cu e situacion y kier mira mas Polis y e Polis di Bario patruya.
Patruya di San Nicolas despues di un buskeda den bisindario a para un auto sospechoso cu varios persona aden y a
realisa detencion y topa cu pertenencianan cu lo tin di haber cu kiebronan di ladroncia den casnan ulitmo tempo. A
detene e personanan aki y pase over pa e recherchenan di woning inbraak.

http://masnoticia.com/turista-basta-leu-den-awa-keda-alcansa-pa-boto/

Turista basta leu den awa a keda alcansa pa boto

 Jan 23rd, 2015
 Policial, splash

Diabierna den careda di 2’or atardi riba lama basta pafo di ex Bushiri Hotel den hundo a sucede un accidente unda
boto a para riba un persona landando. Tabata un boto cu personanan local riba dje disfrutando coriendo riba un
velocidad manera ta stipula riba lama, diripiente nan a wak un hende den lama nan dilanti e kapitan di e boto a paga
motor di biaha y desvia pero ya tabata laat unda a pasa un parti riba e curpa. Nan a scucha grito y aki a core bin bek
pa yuda e persona den lama, e homber tabatin corta na su pia y a bati alarma na autoridad unda ambulance y polis a
yega rapidamente na e sitio. Segun e persona cu ta core e boto e persona aki tabata di sorpresa nan dilanti unda tur
hende den boto tabata riba na trankilidad di paseo y den lama basta leu y topa cu un persona den nan ruta. E kapitan
di boto a comenta cu e la haci tur su posibilidad pa desvia y paga motor pa evita desgracia pero tog parti di e boto a
alcansa pia di e persona turista. E la keda atendi pa personal di ambulance y transporta cu urgencia pa Hospital.
Polis maritimo a yega na e sitio pa ta na altura di sucedido y tuma datos di e kapitan di boto y tripulantenan
declaracion kico a sucede.