Page 12 - DESPA

AWEMainta Diahuebs, 4 Februari 2016 17

Februari ta luna di conscientisacion
contra enfermedad di cancer

DIA 4 di februari ta e dia mundial di consci-

entisacion contra e enfermedad di cancer.
En conexion cu e dia, siguiente infor-
macion ta keda comparti. E grafico cu
tin adhunto cu e articulo aki, ta mustra

un vision general di e total casonan di
cancer na mundo pa tanto hende muhe
como hende homber (edad standarisa
den incidencia y mortalidad).

Datonan di e Health Monitor ta indica cu
cancer ta mata mas hende na mundo. E
tiponan di cancer cu ta mata mas hende ta
cancer di pulmon (18.2%), cancer na stoma
(9.7%) y cancer na higra (9.2%).

Segun Health Monitor 2013, cancer di cuero ta e
number un caso di cancer diagnostica na Aruba entre

ambos hende muhe y hende homber. Esaki ta encera un
total di 611 caso nobo cu a keda diagnostica durante
e periodo di 2007 pa 2010, cu ta un 42.3% di e total
casonan di cancer primario diagnostica na Aruba.

Den e temporada di Carnaval aki cu hopi ciudadano ta
expone nan mes hopi na solo, IBiSA ta recomenda pa cuida bo
cuero contra kemaduranan di solo. Esaki ta posibel, haciendo uzo di
‘broad spectrum (UVA/UVB) sunscreen’ cu un SPF minimo di 30. Por uza
tambe un sombre cu rand hancho y un bril di solo.

Aki ta sigui algun tips pa cuida bo cuero pa solo:
Busca sombra, specialmente entre 10.00 AM pa 4.00 PM; Si bo ta soda hopi, uza
un ‘sunscreen waterproof’; Hunta ‘sunscreen’ 30 minuut prome cu sali; Reaplica
e ‘sunscreen’ cada 2 ora; Ta preferibel no bay cu baby bou di 6 luna den solo; Pa
mas proteccion uza tambe sombre y bril di solo.

Cu e sugerencianan aki IBiSA ta aporta na e luna di conscientisacion contra e enfer-
medad di cancer, den forma di informacion, conseho y prevencion. Alabes ta desea
henter e pueblo di Aruba un dushi y safe ultimo siman y fin di siman di Carnaval.