Page 42 - KPA
P. 42
Informacion cu un familiar mes a pone riba Facebook
ta bisa cu e menor aki tabatin weso di pols kibra, weso
di schouder kibra, dos ribchi kibra (sla bieu); bekken ta
fractura; marca di kemadura cu awa cayente (sla bieu);
slanan grandi na su cabes a causa cu el a haya un
derame cerebral y hasta a test positivo pa substancia
di marihuana. E menor tabata na mashin y no por a
hala rosea riba su mes. E hobencito aki Rishandroh
Anastacia a bin fayece den oranan di atardi.
Mesora a pasa over pa detencion di e mama Risheila
Frans, cu no tin ni 21 aña, y Gabriel Martin, como
sospechoso di ta involucra den maltrato y morto di e
menor aki. Informacion extra oficial ta mustra cu
diferente bisiña sa tende diariamente gritamento y
hasta un biaha un di e muchanan a wordo tira contra
muraya. Hasta ta parce cu asistencia a yega di wordo
pidi pa e cas. Hasta nan a lanta un cura algun tempo
atras.
Mesora tambe a cuminsa cu buskeda di e otro dos
yiunan di e muhe, di cual e mas chikito ta yiu di e
detenido Martin. Segun por a compronde, Polis a logra
haya e yiu di mas chikito di mas o menos 1 aña y ta
cerca su famia, mientras cu esun di mas o menos 3
aña e mama a bisa solamente cu e ta scondi pero no
kier bisa na unda. Autoridadnan ta teme lo peor y te cu
ayera nochi ta interogando ambos pa saca afo
paradero di e mucha homber aki.