Page 110 - MIN VOS

Rode Kruis na SABA San Nicolas ta algo cu SABA mes a
bringa pe

Thursday, 06 July 2017 22:17
1

Comparti

Di parti di SABA, Raymond Kock, a splica riba e acuerdo di cooperacion entre e dos instancianan SABA Y
Rode Kruis.

Manera ya menciona. E cooperacion aki ta pa cuminsa cu un post na San Nicolas, unda cu Cruz Cora
Aruba por sali yuda pueblo di p'ariba. Te cu awor aki e tabata asina cu si mester di ayudo, nan mester bay
te Dakota. Esey no ta e caso mas. Awor aki nan tin oportunidad pa bay San Nicolas na Centro di Cuido,
unda cu a otorga Cruz Cora e oportunidad pa uza un di e localidadnan pa uza e ambulance, sali for di
eynan ora cu tin mester.
Pa SABA esaki ta algo hopi grandi pasobra esey ta nifica cu nan por scapa placa tambe pa e pashentnan,
ora cu nan tin cu bay un specialista, un dokter of hospital.
Hopi biaha y esey ta algo cu a palabra cu Cruz Cora, si di antemano bisa nan na tempo cu tin afspraak, e
lo wordo regla y nan lo busca e pashentnan cu ta bedliggend, cu mester di ambulance pa transporte, pa
nan wordo busca na San Nicolas y e otro localidadnan di SABA pa wordo hiba, pa e ayudo cu nan mester.

Importancia

Esaki pa SABA e ta hopi importante pasobra un di e cosnan cu Kock ta bringa p'e, cu na Aruba, e unico
manera cu por yuda nos pueblo, ta pa traha hunto. E cooperacion cu tin awor aki cu cruz cora no ta nifica
cu no ta saca placa, no ta paga pa e servicio, sino ta intercambia di servicio. E localidad cu SABA tin na
San Nicolas ta duna Cruz Cora pa nan uz'e, en cambio ta haya e transporte necesario pa e clientenan.
SABA lo por baha gasto pasobra e ora den cierto gastonan, si no ta emergencia, no tin cu yama
ambulance mas. Ta yama e ambulance di Cruz Cora. Door cu nan ta presente eynan riba e localidad,
pueblo di Aruba por bay eynan tambe ora cu nan tin mester di ayudo.

Oficina
Awor aki lo ta palabrando cual lo ta e dianan cu lo ta habri, como tambe e orario. Esaki lo wordo duna
despues.

Ki servicio mas
Segun Kock, tur servicio cu pueblo di Aruba sa di dje cu nan ta brinda na Dakota, e mesun servicionan
aki lo wordo brinda na San Nicolas.