Page 36 - BDA28NOV2015

B8

SOCIALDiasabra 28 November 2015

Yen cliente den caya grandi pa probecha di Black Friday

ORANJESTAD – Diabierna for
di oranan trempan di mainta
clientenan a cuminsa forma fila
largo den caya grandi pa ta e
prome pa haya chens di drenta
den nan luga faborito pa haci
compras na un prijs rebaha. Por
mira cu e luganan electronico
y manera Sams y Boolchands
tabatin basta cliente, pero e fila di
mas grandi tabata dilanti di The
Athletes Foot. Por bisa cu Black
Friday na Aruba ta birando mas
popular.
Mientras cu berdad tabatin hopi
persona canando ariba abou den caya
grandi, e cantidad di personanan local
tabata limita, mas bien turistanan
tabata esunnan wardando pa drenta e
negoshinan. Si compara e añanan por
mira cu mas y mas Aruba tambe ta
incorporando e custumber Mericano
di Black Friday. Mescos cu net un
dia prome a celebra Thanksgiving na
Merca, algun famia na Aruba tambe a
opta pa celebra esaki aki na Aruba.
Casi tur negoshi den caya tabata
descuento riba nan mercancia algo cu
ta mustra di a aumenta sinembargo
varios tabata bashi, mientras cu tabatin
rij largo na luganan cu ta bende keds y
productonan electrico.
Varios negoshi a indica cu e “black
Friday Deals” lo continua te cu
diasabra tambe.q