Page 18 - MIN VOS AUG 06

22 AWEMainta Diahuebs, 06 Augustus 2015

Seleccion Nacional
di Aruba batayando
den e grandinan
di Sur America ta
gana Argentina 5-0

SELECCION Nacional di Softball di Aruba ta den pleno

campeonato Sur Americano organisa pa CONSURSA cu
t’e Confederacion Sur Americana.
Aruba despues di a gana un medaya di plata na Bahamas
na maart ultimo den un campeonato entre islanan a
sigui train preparando p’e campeonato di CONSURSA.
Vision di Aruba Softball Bond ta pa mantene su selec-
cion den practica competiendo den region dunando nos
bateadornan turnonan di calidad contra bon pitchernan
den region pa trata na clasifica na 2017 pa drenta Juegos
Centro Americano y del Caribe cu lo tuma lugar juli 2018
na Baranquilla, Colombia.

Aunke cu tiki recurso ASB ta trahando duro pa purba
logra su meta. Aruba lo hunga un total di 10 wega du-
rante e campeonato aki cual ta tuma lugar na Bogota,
Colombia.
Pues casi tur dia double header unda sigur e muchanan
lo haya suficiente wega pa desaroya. Panama a gana
Aruba 4-1 riba e prome dia.
Un partido cu tabata 0-0 te den 5 inning completo.
Panama ta rally pa 4 careda den bom di 6 y Aruba ta
anota un careda den di 7 inning.
Mesun anochi Aruba a topa Argentina cu ta un equipo
hopi fuerte. Tempran Aruba ta pica riba 1-0 y ta amplia
den 4 inning 2-0.

Den 6 inning Aruba ta rally cu hitnan di Eldrick Dijkhoff,
Franco Wouters y doblete impuhador di Dijendrick Croes
pa seya Aruba su prome victoria 5-0 riba Argentina.
Franco Wouters a bay di 4-3, Gilward Wester 1-1, El-
drick Dijkhoff 3-2, Dijendrick Croes 3-2 cu 2 doblete
den clutch.
Campeonato ta jong ainda y tin hopi wega nos dilanti.
E campeonato aki sigur lo sirbi Aruba pa sigui desaroya
su nivel y bateadornan keda custumbra y adapta na
velocidadnan halto cu hopi movemento di bala. Aruba
den desaroyo pa competi den region.