Page 6 - LOTTO

24 AWEMainta Diaranson, 20 September 2017

Lotto ta felicita

Tiger Taekwondo cu

3th National Open

Championship Jossy

Motors 2017

DIASABRA ultimo, Stichting Tiger Taekwondo
Academya organisa e di 3th National Open Cham-
pionship Jossy Motors 2017 cu a tuma lugar den
Centro Deportivo Frans Figaroa. Un total di 3 scol a
competi n’e campeonato aki cu tabata ta San Nicolas
Taekwondo Center, Brazil Taekwondo Stichting y
Stichting Tiger Taekwondo Academy.
Mester bisa cu e peleanan tabata hopi exitante como
tambe emocionante, e publico presente sigur a gosa di
cada uno. Tur e atletanan a haci nan maximo esfuerso
pa saca cara y defende e bon nomber di nan scolnan.

Mas cu claro tin atleta cu e sobresali mas cu otro riba
e dia aki y merecidamente nan a cay den premiacion.
Como e mihor bringador femenino infantil a resulta
Lixjandraa Bello, e mihor bringador masculino infan-
til Zayon Thielman, mihor bringador femenino cadet,
Pamela Romero, mihor bringador masculino cadet,
Rasheed Lowe, mihor bringador junior a bira Nasip
Bislip, e mihor bringador adulto Eiber Torres, e mihor
team a bira Stichting Tiger Taekwondo Academy.

Den e ultimo añanan e desaroyo di e deporte di tae-
kwondo na Aruba a conoce un crecemento y sigur un
adelanto. Nos atletanan tin hopi potencial y ya caba
a demostra esey den e diferente torneo rond mundo
unda nos ta participa.
Hasta nos atletanan a cuminsa haya e oportunidad
di bringa n’e nivel mas halto den taekwondo cual t’e
campeonatonan G1.
Un danki sigur na Lotto, e Loteria di Aruba pa me-
dio di Comision di Subsidio cu a yuda subsidia e3th
National Open Championship Jossy Motors 2017
organisa pa Stichting Tiger Taekwondo Academy.