Page 23 - Djaluna 30 aprel 2018.pdf

Djaluna 30 Aprel 2018 23

MUNDU DEPORTIVO

Felis siman na tur nos
amigunan di e kolumna aki.
Nos tin un otro edishon
ku diferente informashon di
Liga Grandi i tambe di nos
hungadónan lokal.
***********
Jair Jurrjens a habri e
promé partido di su ekipo
Long Islands Ducks di
liga independiente pero no
a sali di e porta grandi. El a
picha kuater inning, permití
ocho hit, kuater kareda
miéntras el a duna un base
por bola i poncha un.
***********
Papiando di Jurrjens, e
relevista veterano Francisco
Rodriguez tambe a djòin
e ekipo di Ducks i lo trata na
prueba su mes i asina wak
ku e por haña un akuerdo
ku kualke ekipo di MLB.
***********
Ozzie Albies ta kaba
luna di Aprel ku 22 èkstra
base
di kual nuebe honron,
un tripel i 12 doblete. E ta
bira
e promé hungadó for di
Chase Utley na 2008 ku por
lo ménos 22 èkstra base pa
fin di Aprel.
************
Ku e sifranan di Aprel
di Albies e proyekshon
ta ku lo e bati 66 doblete,
54 honron, 108 kareda
empuhá i 162 kareda anotá.
Esaki ta demostrá atrobe ki
tipo di luna e yu di Kòrsou
tabata tin.
**********
Den fin di siman
mènedjer di Pirates Clint
Hurdle a gana su di 600
partido komo mènedjer.
************
Mènedjer di Angels Mike
Scioscia a indiká ku Shohei
Ohtani lo no picha mañan
manera tabata programá.
Lo e picha sea djárason
òf djaweps próksimo.
************
E prospekto di Pirates
Nick Kingham a bira e di
14 picher ku den e luna di
Aprel ku tabata tin un no
hit no run òf wega perfekto
tirá ku a kuminsá den
inning number shete.
***********
Den fin di siman pa di
34 bes den su karera ku
Miguel Cabrera tabata falta
un tripel pa bati pa cycle.