Page 33 - KPA
P. 33
ORANJESTAD(AAN): Diahuebs mainta alrededor di 10:15am a pidi presencia di Polis
na DIMAS, relaciona cu un saco sospechoso.
Parce cu un trahado a topa un saco na entrada di personal, di cual den dje
tabatin 3 sakito cu un substancia blanco cu parce cocaina. Polis a tuma
declaracion di e empleado y a bay cu e droga den beslag pa por haci mas
investigacion.
Un biaha mas candela na e edificio bieu di
Ecotech
August 17, 2017
40
ORANJESTAD(AAN): No ta mucho luna pasa cu tabata tin un candela basta feroz cu a
tuma luga na e edificio aki. E biaha aki, un biaha mas, brandweer a wordo manda na e
mesun edificio aki pa un candela cu a wordo cendi intencionalmente.
Esaki a sosode den careda di 10’or di anochi. Aparentemente esaki lo a wordo
cendi pa adictonan ambulante. Polis tambe tabata na e sitio pa mantene
mirones leu di e candela. Un investigacion lo sigui riba e caso aki. Lo mas
prudente awor aki ta, pa basha e luga aki abao pasobra si keda na e mesun
manera, e storia lo bay keda ripiti, te ora cu e demas depositonan cu tin den e
vecindario, tambe por tin chens pa sufri e mesun suerte cu e edificio aki.
Dama a bira malo tras di stuur y a dal
contra trafico contrario
August 17, 2017
37
