Page 21 - HOSPITAAL

POST VIEWS: 10

ORANJESTAD, Aruba

Partido Pueblo Orguyoso y Respeta (POR) tin un programa di gobernacion pa
e proximo gobernacion cual ta splicando na diferente grupo den comunidad,

con nos lo implementa e plan aki pa por coregi tur e situacionnan deficiente
cu tin.

Siman pasa un carta a wordo dirigi na specialistanan y cuerpo medico den
hospital splicando cu pa motibo di deficiencia y falta di personal 30 cama di
hospital lo sali for di servicio den e dianan nos dilanti. Pues mester splica
personanan cu ta malo pa opera entre oro cu awo hospital lo tin 30 camber

menos, pero tin 300 miyon florin hinca den un bunita hospital cu no tin un sala
di operacion drechi. Un hospital cu tur specialista ta critica e forma cu el a

wordo traha pasobra tin un ICU riba piso 5 cu ta crea un situacion ineficiente y
cu ta trece riesgo den bida di nos pashentnan y esunnan cu mester haci uzo
di nos hospital.

Ora POR ta cana den pueblo ta wordo confronta cu diferente storia di
pashentnan. Pashentnan cu ta drenta hospital y wordo contagia cu
bacterianan y pues ta sali pio cu nan a drenta. Un cuido medico cu te dia di

awe no por soluciona e situacion pa reduci tempo di espera. Pueblo ta indica
cu tin mas camber awor berdad pa atende hende na prome ausilio, pero
ketobay ta dura 5 pa 6 ora pa wordo atende pasobra no tin hende pa atende

bo. Tin falta di dokter y falta di calidad, ta consciente si cu e specialistanan cu
tey ta haci nan maximo esfuerso, sinembargo no tin competencia pa stimula
mehoracion di servicio. Pa e motibo aki hopi hende ta spaar nan placa pa bay

cerca specialistanan afo na Paisnan cu hobennan Rubiano ta bay studia bin
cu diploma y Aruba no ta reconoce nan. Esakinan ta prioridadnan cu POR ta
papia di dje unda cu lo decentralisa cuido medico, brinda e oportunidad cu

pashentnan tin derecho na prome luga pa haci escogencia na e dokter cu e
kier wak aki na Aruba. Crea oportunidad pa e dokternan na Aruba tin
clinicanan ekipa pa inverti y tin ekiponan necesario pa duna e pashentnan e

mihor servicio sin cu nan mester subi avion. Crea oportunidad pa nos yiunan
di tera studia como dokter den region, por cuminsa traha na Aruba. POR tin
un plan, programa y vision pa resolve e problemanan aki.